Muling pinatunayan ng aktor na si Daniel Padilla ang kanyang husay sa pag-arte matapos siyang muling maging nominado bilang Outstanding Asian Star sa prestihiyosong Seoul International Drama Awards 2025. Ang nominasyong ito ay para sa kanyang epektibong pagganap bilang Andres Malvar sa action drama series ng ABS-CBN na “Incognito.”
Ito na ang ikalawang sunod na taon na nominado si Daniel para sa parehong kategorya. Matatandaan na noong 2023, kinilala rin siya sa kanyang mahusay na portrayal sa romance series na “2 Good 2 Be True”, kung saan pinuri rin ang kanyang maturity sa pagganap.
Ikinagalak ni Daniel ang bagong pagkilalang ito mula sa isang international award-giving body. Aniya, malaking karangalan ang mapansin sa ibang bansa ang kanyang dedikasyon sa pag-arte, lalo na sa isang challenging na proyekto tulad ng Incognito.
“Maraming salamat sa lahat ng tumangkilik sa seryeng ito,” saad ni Daniel. “I appreciate all the comments about that particular scene. Mahirap ‘yung mga ganung eksena pero I just like my craft and I’m just doing my job,” dagdag pa ni Daniel.
Isa sa mga tumatak na eksena sa Incognito ay ang matindi at emosyonal na tagpo kasama ang kanyang kapatid sa palabas na si Jun, na ginampanan ni Louise Abuel, at ang kanilang lola o “Apo,” na ginampanan naman ni Malou de Guzman. Umani ng papuri ang eksena kung saan na-baril si Jun at naging emosyonal si Daniel sa paghihinagpis ng kanyang karakter habang kausap ang kanyang Apo.
Ayon sa mga tagahanga, mata-mata acting ni Daniel at ang raw emotions niya sa naturang eksena ay patunay na isa na siyang ganap na aktor na hindi lang pa-cute, kundi may lalim na rin ang pagganap.
Bukod sa aktwal na akting, nagpasalamat din si Daniel sa mga taong tumulong sa kanila sa pagtatapos ng kanilang serye. Partikular na pinasalamatan niya ang mga kapatid nating Muslim sa Marawi, kung saan ginanap ang huling bahagi ng kanilang taping.
“Gusto ko magpasalamat sa kapatid nating Muslim. Araw-araw, hindi kami iniwan. One hundred percent support. Talagang sinuportahan kami. May dinner break, lunch break, binibigyan kami ng pagkain,” kwento pa ni Daniel.
Hindi rin nakalimutang banggitin ni Daniel ang matibay na samahan at mas naging malalim na ugnayan nila ng kanyang mga co-stars sa serye, kabilang sina Ian Veneracion, Baron Geisler, Maris Racal, Kaila Estrada, Anthony Jennings, at Richard Gutierrez. Ayon sa aktor, isa ito sa mga proyektong hindi niya malilimutan dahil sa magandang working relationship ng buong cast at production team.
Samantala, aliw naman ang mga reaksyon ng kanyang mga tagahanga sa social media. May ilan pang nagsabing mas lalo raw gumanda ang takbo ng karera ni Daniel simula nang maghiwalay sila ni Kathryn Bernardo. Ayon sa kanila, tila mas lumalakas ang kanyang presensya bilang solo artist, at ang Incognito ang patunay na hindi siya nakatali lamang sa pagiging “love team idol.”
“Imagine mo, hindi lang siya box office king sa Pilipinas, pati sa international scene, napapansin siya,” komento ng isang fan. “Ibang Daniel Padilla na 'to.”
Kung sakaling maiuwi ni Daniel ang parangal mula sa Seoul International Drama Awards, ito ay magiging isa sa mga pinakamalaking highlight ng kanyang karera—isang patunay na kayang lumipad ng kanyang talento kahit sa labas ng bansa.
Walang komento
Mag-post ng isang Komento
Share your opinion now!