Naging mainit na usapin sa ilang mga social media platforms at ilang mga entertainment site ang kamakailang post ng ate ni Kathryn na si Kaye sa kanyang Facebook account.
Ibinahagi ng nakakatandang kapatid ni Kathryn Bernardo ang isang Facebook reel patungkol sa karma. Makikita sa nasabing reel ang lyrics ng kanta ni Taylor Swift na Karma.
"Karma's gonna track you down."
Kaagad naman itong umani ng mga komento mula sa mga fans ni Kathryn Bernardo kung saan marami ang naghinala na patama ito ng ate ni Kathryn sa dating nobyo ng huli dahil sa panlolokong ginawa nito.
Marami ang nagpahayag ng pagsuporta kay Kathryn Bernardo sa naganap na hiwalayan nila ni Daniel Padilla lalo pa't nagsipaglabasan ngayon ang mga baho ng aktor na noon pa man ay pinagtatakpan na umano ng pamilya ng aktor at maging ng aktres na si Kathryn Bernardo mismo.
"Kathryn siya yung actress na hindi umaasa sa kasikatan ni Daniel kaya niya makipag loveteam sa ibang actors, but look Daniel umaasa sa kasikatan ng pamilya niya kasi nga Padilla palaos na din sya mas madami projects si Kath go go Kath"
May mga fans pa na sinigundahan ang pagpopost ni Kaye dahil naiintindihan umano nila na nasasaktan din ito sa sinapit at pinagdadaanan ng kanyang kapatid.
"Our Queen! We love you, Kath! I literally believe in KARMA!"
"Tama! Halerrr kaya naman sumikat si Daniel Padilla is dahil kay Kathryn Bernardo Official at nahatak nito ulit si Karla Estrada kaya nakabalik sa industriya.. ngayon malalaos ulit sila sa pinagagawa nang anak niya."
Matatandaan na nitong November 30, 2023, tuluyan nang inamin nina Kathryn Bernardo at Daniel Padilla ang kanilang hiwalayan makalipas ang ilang linggo na napapabalitang hiwalayan ng dalawa.
Kaagad ding naglabasan ang mga haka-haka patungkol sa umano'y mga kalokohan ni Daniel Padilla habang karelasyon pa niya ang aktres na si Kathryn Bernardo.
Sina Kathryn Bernardo at Daniel Padilla ay unang nagkatambal sa Kapamilya teleserye na Princess and I noong 2012. Dito na rin nanligaw ang aktor kay Kathryn Bernardo sa isang filming. Ipinahayag umano ni Daniel Padilla ang kanyang feelings kay Kathryn sa pamamagitan ng tissue paper.
Mula noon ay naging official na ang loveteam ng dalawa hanggang naging totoo na silang magkarelasyon. Umabot ng 12 years ang tambalan nilang dalawa habang 11 years naman ang kanilang romantic relationship.
Marami naman sa mga KathNiel fans ang nanghihinayang sa relasyon ng dalawa dahil sa tagal ng kanilang samahan. Gayunpaman, marami rin naman ang nagsasabi na hindi sa tagal ng relasyon masusukat ang pagmamahal sa isa't-isa.
May mga nagsasabi rin na mas mabuti na rin na maghiwalay na lamang ngayon pa lang ang dalawa. Kung saan hindi pa sila kinakasal dahil mas mahirap na umano kung saka na sila maghihiwalay kung kasal na.
Ngayon, hindi lamang ang KathNiel ang magmo-move on kundi maging ang mga fans na labis ring nasasaktan sa naganap na hiwalayan ng dalawa na nagkapagbigay sa kanila ng kilig at pag-asang may forever sa loob ng 11 years.
Walang komento
Mag-post ng isang Komento
Share your opinion now!