Matapos ang siyam na buwang paghahanda para maging magulang ni Baby Peanut, ipinakilala na ng celebrity couple na sina Jessy Mendiola at Luis Manzano ang kanilang unang anak, si Baby Isabella Rose "Rosie" Tawile Manzano.
Inanunsyo nina Jessy at Luis ang kapanganakan ng kanilang baby sa kani-kanilang social media accounts.
Ipinost ni Jessy sa kanyang Instagram account noong January 7, 2023 ang kamay ng sanggol na nakahawak sa kanyang daliri.
"I never knew I could love like this. My little Rosie. Isabella Rose Tawile Manzano.", captions niya sa kanyang post.
'Tawile' ang tunay na apelyido ni Jessy Mendiola. Samantala, simple lang din ang caption ni Luis sa kanyang larawan na bitbit ang kanyang anak na si Isabella.
Aniya, "Hi Peanut. Isabella Rose Tawile Manzano."
Binati ng mga celebrity friends ng mag-asawa tulad nina Lara Quigaman, Alex Gonzaga, Melissa Ricks at Karla Estrada ang dalawa, sa matagumpay na pagsilang ng kanilang unang anak.
Samantala, ipinakita rin ng netizens ang kanilang suporta sa mga bagong magulang sa comments section.
Ang iba ay nag-isip na ang buong pangalan ni baby Peanut ay medyo may kaugnayan sa bulaklak dahil sa mga pangalan ng mga pamangkin ni Jessy.
Base sa Instagram story na ibinahagi ni Jessy noong January 7, 2023, ang whole body mirror shot photo ay parang nanganak siya bago mag-2023.
"Missing my baby's kick in my womb. Almost two weeks post partum."
Inaabangan na ng ilang fans ng mag-asawa ang vlog ni Jessy. Matatandaang inihayag ng mag-asawa na malapit na silang maging magulang sa pamamagitan ng isang video na ipinalabas sa YouTube channel ni Jessy noong Agosto 11, 2022.
Walang komento
Mag-post ng isang Komento
Share your opinion now!