Nagpositibo sa C0VID-19 ang aktres na si Angelica Panganiban, inamin niya ito nitong Huwebes, Enero 12.
Sa kanyang Instagram account, nag-upload si Angelica ng screenshot ng kanyang video call kasama ang kanyang partner na si Gregg Homan at ang kanilang anak na si Amila Sabine. Sinamahan ito ng larawan ng isang COVID-19 antigen test, na nagpakita na siya ay nagpositibo.
“Nauubusan na ‘ko ng positive thoughts. Pls send help. I miss you family,” caption ni Angelica habang tinag si Gregg.
Agad namang bumuhos ang panalangin ng pagpapagaling mula sa mga tagahanga at kaibigan ng aktres. Pinapalakas nila ang loob nito na hindi sumuko at malampasan ang karamdamang ito.
"Sending love and healing," pahayag ni Maxene Magalona.
"pinagdarasal kita nak love you," ani naman ni Pokwang.
Kamakailan lang, naghanda si Angelica ng surprise bridal shower para sa matalik niyang kaibigan na si Glaiza de Castro bago ang ikalawang kasal ng huli sa asawang si David Rainey sa Pilipinas.
Walang komento
Mag-post ng isang Komento
Share your opinion now!