Start-Up PH Magtatapos Na Sa December! Mahina Ba Ang Rating?

Mainit na pinagdedebatehan ngayon ng mga manonood ang balitang nalalapit na ang pagtatapos ng teleseryeng pinagbibidahan nina Alden Richards, Bea Alonzo, Yasmin Kurdi at Jeric Gonzales na Start-Up PH.

Matatandaang inilabas ang world premiere ng nasabing teleserye noong September 2022. Ang Start-Up PH ay ang Philippine original adaptation ng hit Korean series na Start-Up.

Umaani ngayon ng samu't-saring reaksyon mula sa mga netizens ang nalalapit na pagtatapos nito. Dito sa Pilipinas kasi, kapag ang isang show ay mabilis na natapos ibig sabihin mababa ang TV ratings nito, o napapangitan ang mga manonood. 

Ngunit may mga manonood naman na agad ipinagtanggol ang Start-Up at sinabing sadyang maikli lamang ito kaysa sa mga nakasanayang teserye ng Pilipinas na mararaming add-on kahit pa paikot-ikot na lamang ang storya.

Ipinunto din ng iba na 16 episodes lamang ang original series ng Start-Up so paano ito hahaba?