Muling napag-usapan nina Cristy Fermin at Rommel Chika ang isyu sa pagitan ng mag-asawang Chiz Escudero at Heart Evangelista.
Nagbigay sila ng kanilang opinyon hinggil sa umano'y pananahimik ng Sen. sa kabila ng mga naglalabasan balita at maging sa mga cryptic posts ng kanyang asawa na si Heart.
"Talagang dinededma niya talaga. Kahit anong patutsada ng mga balita, wala tayong maririnig kay Sen. Chiz Escudero na binali niya ang ating mga sinasabi, ng ibang mga tao, netizens, marites, bashers. Hindi siya nakisawsaw kaya sabi nga, baka drama lang ito lahat-lahat ni Heart Evangelista," pahayag ni Rommel.
Ayon naman kay Cristy Fermin, wala umanong nagtatangkang magtanong kay Sen. Chiz sa senado dahil alam na umano ng mga ito na tanging ngiti lamang ang isasagot ng senador. Ipinunto rin ni Manay na mas mahalaga umano kay Sen. Chiz ang kalagayan ng bayan kaysa sa mga paandar ni Heart.
“Mas mahalaga sa kanya ang mga isyung pinoproblema ng bayan, hindi 'yung ganyan na kaeklatan, diba? Sorry pero nakatagpo si Heart ng isang tao na talaga namang hindi papatulan ang kanyang mga pa-effect,” saad ni Manay Cristy.
Dagdag pa ng kolumnista, "Ano kaya ang nakaplanong gawin ni Heart Evangelista, ano? Ano kaya ang naglalaro sa kanyang utak? Ano kaya ang susunod na programa ng kanyang buhay?”
Walang komento
Mag-post ng isang Komento
Share your opinion now!