Umaani ngayon ng samu't-saring komento mula sa mga netizens ang ibinahaging bagong hairstyle ni Suga, myembro ng South Korean boy band na BTS.
Ibinahagi ni Suga ang kanyang new hairstyle sa kanyang Instagram account noong November 6. Kapansin-pansin na medyo mahaba ang curly niyang buhok na tumatakip sa kalahati ng kanyang mukha.
Agad namang kinilig at labis na humanga ang kanyang mga solid fans. Komento pa ng mga ito na kahit natatakpan ang kalahati ng mukha ni Suga ay napakagwapo pa rin nito.
“Yung natakpan na kalahati ng mukha pero guwapo pa rin.”
Ngunit kung may mga pumuri sa bagong look ni Suga, may mga bumabatikos rin nito. Ayon sa ilang mga netizens, inakala nilang si Regine Velasquez ito noong kabataan base sa kanyang hairstyle.
“Hindi mo kami maloloko Regine Velasquez hahaha,” komento ng isa.
“Seriously akala ko si Ate Regine Velasquez noong kabataan niya hahaha,” dagdag pa nung isa.
Walang komento
Mag-post ng isang Komento
Share your opinion now!