Ibinahagi ni Manay Lolit Solis ang kanyang pagkaantig dahil ipinapakitang pagmamahal umano sa kanya ng Queen Of All Media na si Kris Aquino.
Naikwento ni Lolit Solis kamakailan sa kanyang Instagram account na pinadalhan umano siya ng tulong ni Kris Aquino, matapos malamang nagda-dialysis siya.
"Kaya hindi ko puwede hindi mahalin si Kris Aquino dahil lagi siyang ready to help out kung kailangan mo siya, Salve. Dahil nasabi sa kanya ni Ronite @dpersonalshopperph na nagda dialysis ako kaagad niyang pinatawag si Alvin para alamin kung ano kailangan ko at ibibigay niya agad. To think na meron siyang sakit at nasa abroad siya. Talagang kahit love/hate ang relationship namin dalawa, hindi talaga nalimutan ni Kris Aquino ang naging friendship namin. Kahit kelan sasabihin ko na walang mean bone si Kris, puwede na naughty siya, tactless pero magaan at bukas palad siya dahil mabait ang puso niya. More than anything gusto ko gumaling si Kris para sa mga anak niya. Sana naman anuman ang sakit niya gumaling na at maging energetic siya uli. Kris Aquino will always be special sa lahat ng tao na natulungan niya, sa mga kaibigan niya, at lalo na sa nagmamahal sa kanya. Pagaling ka Kris, don't stress yourself sa mga bagay na walang kuwenta, you are loved and you are worth the love. Thank you, will always remember your sweetness and kindness. Salamat talaga"
Samantala, ayon sa impormasyong aming nakalap mula sa isang source ay hindi pa rin umano nasisimulan ang pagpapachemo therapy ni Kris sa Amerika. Ayon pa rito, ang paglipat ni Kris sa ibang states ang inaaksikaso ng mga ito sa kasalukuyan. Hindi naman binanggit kung saang states ito lilipat.
Kasalukuyang nakacheck in sa isang hotel si Kris kasama ang kanyang mga anak.
Walang komento
Mag-post ng isang Komento
Share your opinion now!