Inamin ng Kapamilya actress na si Jane De Leon na naaapektuhan siya sa pambabash sa kanya ng ilang mga netizens sa pagganap niya bilang Darna.
Iconic ang role ng Darna kaya sinasabing maswerte ang sinumang artistang gaganap nito. Ngunit sa pag-aanunsyo ng ABS-CBN kung sino ang susunod na gaganap bilang Darna, hindi lahat ng mga netizens ang sumang-ayon at natuwa na si Jane De Leon ang gaganap sa role na ito. Matapos hindi natuloy na sina Angel Locsin at Liza Soberano.
Ayon sa komento ng ilang mga netizens, walang dating si Jane De Leon at ibang artista umano ang nababagay sa papel na ito bilang Darna. Dagdag pa ng ilan na mas may dating pa umano si Janella Salvador na gaganap bilang Valentina sa Darna Series. Mas inaabangan umano ng tao ang paglabas ng kontrabida kaysa sa bidang si Darna.
Samantala sa ginawang presscon ng Darna noong August 8, 2022 ipinahayag ni Jane ang kanyang saloobin ukol sa mga negatibong komento laban sa kanyang pagganap sa iconic role na Darna. Ayon sa aktres, nasaktan siya noong una at labis na naaapektuhan sa mga sinasabi ng tao. Inamin din niya na sa simula, hindi niya alam kung paano i-handle ang nasabing role.
Kinkwestiyon din umano niya ang kanyang sarili kung kakayanin ba niyang gampanan ang role. Ngunit, dahil sa suporta ng kanyang pamilya at mga kaibigan, naipush niya ang kanyang sarili na maging karapat-dapat siya na maging Darna.
Ayon pa kay Jane, nag-audition siya at dumaan sa proseso upang mapili. Marami na rin siyang pinagdaanan at ginalingan niya ang lahat ng iyon.
Sa pagsisimula ng Darna sa darating na Lunes August 15, 2022 ay ang pagtatapos naman ng longest running series na Ang Probinsyano. Ito ang papalit sa timeslot ng FPJ's Ang Probinsyano .
Walang komento
Mag-post ng isang Komento
Share your opinion now!