Lydia De Vega Pumanaw Na

Asia's Fastest Woman noong 1980's at Track and Field Legend na si Lydia De Vega pumanaw na noong August 10, 2022 dahil sa sakit na breast cancer sa edad na 57. Pagkatapos ng apat na taong pakikipaglaban sa sakit na breast cancer, kinupirma ng anak nito na si Stephanie Mercado na pumanaw na si Lydia De Vega noong myerkules August 10, 2022. 

Taong 2018 ng ma-diagnose si Lydia na may breast cancer. Matatandaang noong nakaraan buwan lamang isinapubliko ng kanyang anak ang karamdaman ng ina at nasa critikal stage na umano ito. Humihingi pa ito noon ng donasyon at pagdarasal sa publiko dahil sa patuloy na pakikipaglaban ng kanyang ina sa karamdaman nito.

Ayon pa sa anak nito, desisyon ng kanyang ina na ilihim sa publiko ang karamdaman maging sa mga kasamahan at kaibigan nito sa kanyang sports. Kaya naman, ikinagulat ng marami ng mabunyag ang sakit nito. Noong ibinahagi ng anak nito ang kondisyon ng dating athlete ay naka-confine na ito sa Makati Medical Center. Hindi na umano ito nakakapagsalita ngunit alam umano nilang napapakinggan nito ang kanilang mga sinasabi para rito.

Matapos, lisanin ang limelight namuhay ng simple si De Vega bilang coach sa Singapore. Si Lydia De Vega ay nakilala sa mundo ng sports sa larangan ng Track and Field. Tinagurian siyang Asia's Fastest Woman in 1980's. Siya ay gumawa ng impact sa SEA Games noong 1981 na ginanap sa Manila kung saan nagwagi ng mga gold medals sa 200 at 400 events.

Siya ay kumatawan sa Pilipinas sa Olympics ng dalawang beses noong 1984 Los Angeles at 1988 Seoul Summer Olypics. Sa kabuuan ay nagwagi siya ng nine gold medals sa SEA Games, dalawa sa Asian Games at apat Asian Athletic Championship.

Si Lydia De Vega at si Paul Mercado na dating Engineer at isang entrepreneur ay may tatlong anak. Taong 2021 nang binawian ng buhay ay isa niyang anak. Ausut 10, 2022 binawian ng buhay si Lydia De Vega habang ginagamot sa Makati Medical Center.

Matatandaang, naging bahagi si Lydia bilang flag bearer sa ginawang Olympics noong 2019, tahimik na nakikipaglaban na pala ito sa kanyang sakit at hindi lamang pinapahalata.