Sa paglabas pa lamang ng balitang tuluyang pamamaalam ni Ms. Susan Roces, hindi maipagkakaila na isa ang buong 'Ang Probinsyano' cast sa mga nagluluksa sa pangyayaring ito.
Matagal nilang nakasama si Ms. Susan sa longtime running TV series na 'Ang Probinsyano' kung saan ito ang gumanap bilang Lola Flora, ang lola ng karakter ni Coco Martin na si Cardo Dalisay. Hindi lamang saya kundi napakaraming alaala ang iniwan ni Ms. Susan Roces sa buong set ng 'Ang Probinsyano' at maging sa mga taong sumusubaybay sa teleseryeng ito.
Kaya naman sa pagpanaw ngayon ni Ms. Susan Roces, usap-usapan ang balitang tatapusin na mismo ng lead actor at isa sa mga direktor ng 'Ang Probinsyano' na si Coco Martin ang seryeng ito.
Ayon sa ilang impormasyon na lumalabas hindi na umano magpapatuloy sa ika-7 years anniversary ang nasabing teleserye. Ito ay marahil umano sa lungkot at pagluluksang nararamdaman ngayon ng buong Ang Probinsyano cast.
Marami kasi umanong mga alaala ni Lola Flora o Ms. Susan Roces ang patuloy pa rin nilang maalala. Kaya marahil ito umano ang rason kaya ayaw nang ipagpatuloy pa ni Coco Martin ang kanilang serye.
Dagdag pa ng ilan mga netizens na malaking pagkukulang sa serye ang tuluyang pagkawala ni Ms. Susan Roces. Ayon naman sa ilang mga source, ngayon ay nasa huling cycle na ng lock in taping ang 'Ang Probinsyano' dahil nakatakda na itong maglabas ng final episode sa darating na Hulyo.
Hindi kaagad mawawala yung lungkot na nararamdaman ni Coco Martin at nang buong Ang Probinsyano cast sa pagkawala ni Ms. Susan Roces.
Ngunit binigyang linaw din naman ng Ang Probinsyano management na hindi na talaga magpapatuloy ang nasabing teleserye at tatapusin na ito. Ito'y para bigyan daan ang pagsisimula ng Darna TV series na pagbibidahan ng aktres na si Jane De Leon na nakatakda na ngayong July 12, 2022.
Kasunod ng pamamaalam ni Lola Flora o Ms. Susan Roces ang tuluyang pagtatapos na rin ng long time running TV series na 'Ang Probinsyano'.
Walang komento
Mag-post ng isang Komento
Share your opinion now!