Rumesbak si Gretchen Barretto kay Sen. Ronald 'Bato' Dela Rosa matapos sagutin ng mambabatas ang mga akusasyon sa kanya ng actress.
Martes ng gabi March 29, 2022 ibinahagi ni Gretchen ang screenshot ng balita tungkol sa mga banat sa kanya ni Dela Rosa sa interview nito sa SMNI News. Matapang na hamon ni Gretchen kay Dela Rosa,
"I am very willing to present evidence to you of my so called accusations Bato Dela Rosa. In front of media."
Sa panayam kay Sen. Dela Rosa ng SMNI News sinagot nito ang mga patutsyada sa kanya ni Gretchen kaugnay sa ginawang hearing sa senado ukol sa controversial na E-sabong.
Si Dela Rosa ang chairman ng Senate Committee on Public Order and Dangerous Drugs na nagsisiyasat sa kaso ng mga nawawalang sabongero. Sa nasabing hearing maririnig sa Instagram story ni Gretchen,
"Get down to business Bato. Stop grand standing just get down to the investigation."
Sinasabi ito ni Gretchen habang nakafocus ang camera sa mukha ni Bato sa nasabing senate hearing. Patutsada pa ni Gretchen,
"My God ang mahal ng relo ni Bato. Saan kaya nanggaling? My God a senator has that watch. Oh my Gosh."
Sa panayam kay Bato ng SMNI News iginiit ni Dela Rosa na may karapatan din siyang magmay-ari ng mamahaling relo. Aniya,
"Unang una sabi niya mahal daw yung relo ko, bakit siya lang ba ang may karapatang magsuot ng 85,000 na halaga ng tag heuer na relo? Bakit hindi pala ako pwede? Mahal talaga 'yun para sa akin, pero sa kanila? Ewan ko kung talagang mahal ba iyon sa kanila."
Hindi rin pinalampas ni Bato ang patutsyada ni Gretchen tungkol sa kanyang trabaho. Sinabi ni Gretchen na hindi karapat dapat si Bato na manguna sa imbestigasyon sa mga nawawalang mga sabongero.
Si Atong Ang ay isa sa mga resource person na ipinatawag ng Committee ni Dela Rosa sa senado dahil sa allegation sa arena ng negosyante huling nakita ang ilan sa mga missing sabongeros. Si Gretchen naman ay sinasabing myembro ng Team Alpha ng Pitmaster Group na isa sa mga sabong branch ng negosyo ni Atong Ang na Lucky 8 Star Quest Incorporated.
Matatandaang kinuwestyon din ni Gretchen kung bakit naging senador si Bato. Sinabi din ng actress na kailangan umanong lawyer ang mga nakaupo at sinabihan ang mamamayan na,
"Vote wisely don't vote a Bato."
Dagdag pa ni Gretchen na ang mas bagay umano kay Bato ay game show.
Sagot naman ni Sen. Dela Rosa, character assasination ang ginagawa ni Gretchen sa kanya.
Walang komento
Mag-post ng isang Komento
Share your opinion now!