Kilala si Heart Evangelista bilang isa sa mga pinakapinagkakaguluhang personalidad sa Paris Fashion Week (PFW) — hindi lamang dahil sa kanyang world-class fashion sense, kundi dahil na rin sa kanyang magandang pakikitungo sa mga tao, lalo na sa mga photographer. Kaya naman hindi nakapagtatakang marami ang nakaramdam ng pangungulila sa kanya ngayong taon, matapos siyang hindi makadalo sa isa sa pinakamalalaking fashion events sa buong mundo.
Isa sa mga nagpahayag ng pagkadismaya at labis na pangungulila ay ang photographer na si Roxane De Almeida, isang kilalang Parisian fashion photographer na naging malapit kay Heart sa mga nakaraang taon. Sa pamamagitan ng isang heartfelt Instagram post, ibinahagi ni Roxane ang kanyang damdamin tungkol sa hindi nila pagkikita ngayong season ng PFW.
Kasabay ng pag-post ng ilang old photos ni Heart mula sa mga naunang Fashion Weeks, ibinahagi rin ni Roxane kung gaano siya humanga sa ugali at puso ng aktres. Ayon sa kanya, hindi lamang basta fashion icon si Heart — higit pa siya sa mga designer outfit at glamorous appearance na inaabangan ng media.
"Heart is not just a beautiful woman wearing stunning silhouettes during Fashion Weeks. She’s the only one who sincerely cares — from the people capturing street style shots to those behind the scenes," ani Roxane.
"Everyone who has met her can attest to her kindness. Kahit madalas ang tingin sa kanya ay puro kinang, hindi alam ng lahat ang mga pagsubok na kanyang pinagdadaanan. May mga taong sinusubukang paliitin ang liwanag niya para lang masilayan ang sarili nilang kinang — pero hindi siya ganoon. Harapin man niya ang problema, hindi niya sinasaktan ang mga tao sa paligid niya. She always chooses compassion."
Dagdag pa niya, minsan ay sobra ang tiwala ni Heart sa kabutihan ng ibang tao — kahit pa ito ay nagdudulot ng sakit sa kanya. Kaya naman, sa panahong tila dumaraan sa pagsubok si Heart, naniniwala si Roxane na oras na para suportahan at palakasin siya.
“My sweet Heart, you’ll come back stronger, still shining as ever. Je t’aime (I love you),” sabi pa ni Roxane.
“PS: The last photo I shared was the very first photo I took of you — and also one of my first ever Fashion Week shots. I had no idea back then how special you’d become to me.”
Hindi rin nalimutan ni Roxane ang generosity ni Heart sa mga photographer sa PFW. Tuwing event, bukod sa pagiging laging game sa mga photo requests, kilala rin si Heart sa personal touch — binabati, kinukumusta, at minsan pa’y nagpapalibre ng kape at pastry sa huling araw ng fashion week bilang pasasalamat sa mga kumukuha ng kanyang litrato.
Sa comment section ng post ni Roxane, hindi napigilan ni Heart ang kanyang emosyon. Nagkomento siya ng maraming crying emojis at sinabing:
“Rox I cannot (stop crying). I love you…”
Isang patunay ito na higit pa sa fashion ang koneksyon ni Heart sa mga tao sa paligid niya — totoo, malalim, at may respeto. Kaya naman, sa pagkawala niya ngayong taon sa PFW, dama hindi lang ang kawalan ng isang fashion icon, kundi ng isang tunay na kaibigan.
Walang komento
Mag-post ng isang Komento
Share your opinion now!