Muling naging laman ng usap-usapan sa social media ang aktres na si Ellen Adarna matapos mapansin ng mga netizens na wala ang kanyang asawa na si Derek Ramsay sa unang kaarawan ng kanilang anak na si Lili.
Sa mga larawang ibinahagi ni Ellen sa kanyang Instagram account, makikita ang isang masaya at intimate na birthday celebration para sa kanilang anak. Ngunit kapansin-pansin para sa mga tagasubaybay na tila wala si Derek sa mga litrato. Dahil dito, nagtanong ang ilan sa comments section kung bakit hindi ito dumalo.
Isang kaibigan ni Ellen ang nagbiro sa komento at nagsabing, “Absent ang amahan.” Agad namang sinagot ito ng aktres ng diretso ngunit may halong biro rin: “Gisendan man cyag invite dai. Ambut nanu wa cya mu tunga.”
Dahil sa kanyang tugon, umani ng iba’t ibang reaksyon mula sa netizens. May ilan na natawa at tinawag ang sagot ni Ellen na “honest but savage,” habang ang iba naman ay nagpakita ng pagkadismaya sa sitwasyon.
“Ah, guest na lang pala si Derek ngayon?” sabi ng isang netizen. “Tatlong salita lang pero ramdam ang bigat,” komento pa ng isa.
May nagsabi rin, “Tatay pa rin siya, hindi na kailangang imbitahan para sa birthday ng anak.”
Marami rin ang nakaramdam ng lungkot at panghihinayang sa tila kakaibang sitwasyon ng mag-asawa. “Parang may ‘hiwalay’ vibes na,” sabi ng isang follower. “Sayang, first birthday pa naman ng anak nila, sana kumpleto ang pamilya.”
Hindi rin nakaligtas sa pansin ng publiko na maging ang pamilya ni Derek ay wala rin sa event. “Pati magulang ni Derek, hindi rin present. Dapat sana kumpleto sa ganitong espesyal na okasyon,” pahayag ng isa pang netizen.
Sa kabila ng mga haka-haka, pinili pa rin ni Ellen na huwag palakihin ang isyu. Sa kanyang mga post, makikita siyang masaya at tutok sa anak habang nag-eenjoy sa simpleng selebrasyon kasama ang ilang malalapit na kaibigan at kamag-anak.
Hanggang sa ngayon, wala pang opisyal na pahayag mula kina Ellen Adarna at Derek Ramsay tungkol sa tunay na kalagayan ng kanilang relasyon. Marami ang nagtatanong kung may pinagdadaanan nga ba ang dalawa, lalo na’t napansin na rin ng ilang followers na bihira na silang mag-post ng mga larawan o video na magkasama sa social media nitong mga nakaraang buwan.
Matatandaan na noong 2021 ay ikinasal ang dalawa sa isang private ceremony sa Batangas. Mula noon, madalas silang magbahagi ng mga sweet moments online, dahilan para ituring silang isa sa mga “couple goals” sa showbiz. Kaya naman marami ang nagulat at nagtaka nang mapansin ang tila paglayo ng kanilang public interaction.
Sa kabila ng lahat, pinuri pa rin ng ilang netizens si Ellen sa pagiging hands-on na ina kay Lili. Anila, makikita naman daw na masaya ang bata at punô ng pagmamahal, kahit pa may mga espekulasyon sa relasyon ng kanyang mga magulang.
Habang walang kumpirmasyon mula sa magkabilang panig, umaasa pa rin ang ilan sa kanilang mga tagahanga na maayos pa ang lahat at na ang hindi pagdalo ni Derek ay may simpleng dahilan lamang.
Walang komento
Mag-post ng isang Komento
Share your opinion now!