Nagpakitang-gilas ang TV at social media personality na si Awra Briguela sa kaniyang unang pagsabak sa mundo ng beauty pageants, sa pamamagitan ng kanyang makapanindig-balahibong performance sa Hiyas ng Silangan 2025, isang patimpalak na ginanap sa University of the East (UE).
Sa isang post sa Instagram noong Sabado, Oktubre 11, proud na ibinahagi ni Awra ang isang video clip na nagpapakita ng kanyang fierce at confident na pagrampa habang nakasuot ng isang makislap na pulang gown. Agaw-eksena ang kanyang lakad, tindig, at aura — na para bang isang bihasang beauty queen na sanay na sanay na sa entablado.
“It’s her first pageant, but she’s walking like she’s done this forever,” ani Awra sa caption ng kanyang post.
“When the light hits her just right, you just know — she’s the moment.”
Bagamat ito ang kanyang kauna-unahang beauty pageant, walang halatang kaba o pag-aalinlangan si Awra habang rumarampa. Sa halip, lutang na lutang ang kanyang self-confidence, na sinamahan pa ng kanyang trademark na attitude at expressive personality.
Ipinakita rin sa video ang kanyang mala-diva na pag-ikot, fierce na titig sa kamera, at flawless na posture — mga elementong karaniwang inaasahan mula sa mga beteranong beauty queen. Kaya naman hindi nakapagtatakang umani ng papuri ang kanyang performance mula sa mga netizens at fans.
Marami sa mga nagkomento ang humanga sa transformation ni Awra, mula sa pagiging child star hanggang sa pagiging isang fierce and fabulous pageant contender.
Dahil sa naturang video, bumuhos ang samu’t saring reaksyon mula sa netizens. Marami ang nagsabing nakaka-inspire si Awra sa kanyang lakas ng loob at pagiging totoo sa sarili, habang ang ilan naman ay natuwa sa kanyang effortless na confidence sa stage.
“She’s not just walking — she’s slaying!” ayon sa isang netizen.
“Grabe, Awra! Para kang Miss Universe kung makalakad. You were born for this!” dagdag pa ng isa.
Hindi rin naiwasang ikumpara si Awra sa mga reigning beauty queens sa bansa dahil sa kanyang commanding stage presence. Ang ilan ay nagsabing dapat lang siyang sumali pa sa mas malalaking kompetisyon sa hinaharap.
Sa kabila ng mga kontrobersiyang kanyang hinarap kamakailan, pinatunayan ni Awra na kaya niyang bumangon, mag-shine, at patuloy na maging inspirasyon sa iba. Sa kanyang pagsali sa Hiyas ng Silangan 2025, dala niya hindi lang ang kanyang pangalan kundi pati na rin ang mensahe ng self-love, empowerment, at pagiging totoo sa sarili.
Para kay Awra, ang beauty pageant ay hindi lang tungkol sa kagandahan ng panlabas, kundi pati na rin sa tibay ng loob, lakas ng karakter, at galing sa pagpapahayag ng sarili — mga katangiang kitang-kita sa kanyang performance.
Walang komento
Mag-post ng isang Komento
Share your opinion now!