Sen. Robin Padilla Ipinaliwanag Ang 'Dirty Finger' Habang Inaawit Ang Lupang Hinirang

 Muling naka‑usapin si Senador Robin Padilla matapos kumalat sa social media ang larawan na diumano’y nagpapakita na tila nakataas ang kanyang gitnang daliri (“dirty finger”) habang inaawit ang “Lupang Hinirang” sa plenaryo ng Senado. Marami ang agad na nag-react at nag-akusa, pero mariing itinanggi ni Padilla ang nasabing larawan, sinasabing ito ay ginawang edit at hindi tama.

Ayon sa mga ulat, noong Setyembre 8 sa Senado ay napansin ng ilang tao ang larawan na kumalat — ang larawan kung saan ang nasa gitna raw ay isang daliri na tila bastos habang hawak‑hawak ang damit sa dibdib habang inaawit ang pambansang awit. Ang litratong ito ay agad napakalat sa iba't ibang news outlets at video blogs, na nag-udyok ng galit at diskusyon sa publiko. 

Gayunpaman, sa isang Facebook Live broadcast noong gabi ng Setyembre 11, klaro niyang inilahad ang kanyang panig: hindi gitnang daliri ang itinuro niya kundi hintuturo (index finger). Dagdag pa niya, may larawan siyang ipinasya mula sa ibang anggulo na nagpapakita na hindi siya gumawa ng bastos na galaw. 

Ipinaliwanag din ni Sen. Padilla na ang nasabing galaw ay bahagi ng kanyang pananampalatayang Muslim. Sinabi niya na sa Islam, may kahulugan ang nakataas na hintuturo na hindi dapat ipagkamali sa isang bastos na saglit o insulto. Ito raw ay bahagi ng pananalangin at pagpapahayag ng pananampalataya. 

Matapat din niyang sinabi na bagamat minamahal niya ang bansa at iginagalang ang pambansang awit (“Lupang Hinirang”) at ang watawat, may mga pagkakataon daw na may mga hindi tama o misleading na impormasyon na kumakalat lalo na sa social media. Nanawagan siya na huwag gawing biro o pagsuway sa kanyang relihiyon ang maling interpretasyon ng larawan o video. 

Sa kanyang paliwanag, sinabing inilagay niya ang kanyang kanan sa dibdib habang ang hintuturo ay nakataas — hindi gitnang daliri. Nakita rin niya na may mga larawan mula sa ibang anggulo na ipinakita niya upang suportahan niya ang kanyang paliwanag na hindi niya nilandi ang watawat o ipinakita ang bastos na galaw. 

Bukod dito, sinabi rin niya na “magpapakamatay na lang ako” kung talagang ginawa niya ang galaw na ito, bilang pagpapakita kung gaano niya pinahahalagahan ang kanyang relihiyon at ang kanyang pananampalataya — hindi raw niya gagawin ang anumang bagay na labag sa kanyang prinsipyo. 

Sa gitna ng kontrobersiya, may ilan ding sumusuri kung bakit agad na kumalat ang larawan at kung gaano kadaling mapagawa ng edits o maling mga kuha para makalikha ng maling impresyon sa publiko. May posibilidad raw na may maling editing o maling framing na ginamit para ipakita ang gitnang daliri. 

Para kay Sen. Padilla, mahalaga ang transparency at patas na pagtingin—na hindi agad maghusga ang publiko lalo na’t may mga photo proof na nagpapakita ng ibang pananaw, na maaaring magpabago sa interpretasyon.

Narito ang buong pahayag ng Senador: 

“Ito pong nangyayari ngayon, nagulat po ako. Isa pong napakalaking para po sa akin, e, pagsubok po ito sa aking pananampalataya, at isang bagay po ito na kapag ito ay napaglabanan ko nang tama, ako po ay bibigyan ng gantimpala ng Allah,” panimula ni Sen. Padilla.

“Hindi ko pa malaman kung bakit sila gumawa ng ganitong article. Sabi po dito, e, ‘Senator Padilla’s dirty finger,'” ani pa niya.

“‘During the opening of the Senate plenary session on September 8, 2025, Senator Robin Padilla flashed his middle finger — a vulgar gesture — while making it appear he is just placing his right hand to his left chest while singing the Philippine national anthem."

“It was during the plenary session when Senator Chiz Escudero whom Padilla and other Duterte allies supported, was ousted as Senate president.’”

Pagpapatuloy ng husband ni Mariel, “Alam ninyo po, kung ako ay may pagkakamali, dapat lang, kahit magkakaibigan kayo, e, banatan ka. Gawan ka ng isyu.

“Pero ito pong ganap na ito, hindi po nangyari ito. Meron pong larawan na tunay kung ano po yung ating ginagawang talima.

“Gusto ko pong iparating sa inyong lahat, ito po ay banal sa aming mga Muslim,” sey ng senador sabay pakita sa kanyang index finger, “Banal po ito sapagkat ito po ang ibig pong sabihin nito, la ilaha illa Allah. Ibig sabihin, ‘Walang ibang Diyos na dapat sambahin maliban sa Allah.’

“Ito po ang pundasyon ng aming pananampalataya. Dito po nakasalalay ang aming pag-ibig, paggalang, pagsunod sa Panginoong Allah. Hindi po namin puwedeng gawing kabastusan ito."

“Magpapakamatay na lang po ako kung gagawin ko yon. Hinihingi ko po na huwag muna sana itong gawing kalokohan dahil ito po ang pundasyon ng lahat ng paniniwala ng Muslim. Ibig pong sabihin nito, kapag inilagay namin dito (sa dibdib), Diyos ang una. Panginoong Allah ang una sa lahat."

“Kaya po kapag kumakanta ng ‘Lupang Hinirang,’ kaya po yan nakalagay dito, tunay na mahal namin ang bansang Pilipinas. Tunay po yan, pero una ang Panginoong Allah. Yan po ay mababasa natin sa konstitusyon natin. Una ang Panginoong Diyos. Huwag naman ganyan. Huwag naman yung pananampalataya ko po ang inyong banatan."

“Hindi ko naman po kayo pinipigilan kung meron akong ginawang pagkakamali. Banatan ninyo ako kahit magkakaibigan tayo. Pero pagdating po sa pananampalataya namin, nagpapakamatay po kami para sa pananampalataya namin. Handa po naming ibigay ang buhay namin sa Allah.”

“Ayan po, makikita ninyo po na wala po akong ginawang pambabastos sa religion namin at wala rin akong ginawang pambabastos sa ating watawat. Wala po."

“Kaya mga kababayan, nagpipigil po ako kasi ang sabi ng Allah, ang sabi ng Rasul, kapag inaapi ka, ikaw ay magpakumbaba, magpigil ng galit, mas lalake ka, mas matapang ka."

“Humihingi po ako, sa mga kababayan natin na nailigaw nito ng fake news na ito, ng fake news article na ito. Sa lahat po sa inyong lahat, hinihingi ko po sa inyo na huwag po kayong maniwala na gagawin ko po ito. Magpapakamatay na lang po ako, hindi ko po yan magagawa."

“Marami po ang nagsasabi sa akin na magdemanda ako. Ay, mababawasan po ako ng reward. Ipagpapasa-Diyos ko po ito dahil sa aming pananampalataya, ang ibibigay mo sa Allah, Siya po ang magbibigay sa akin ng gantimpala at bahala na po sa inyo ang Allah,” pagtatapos ni Robin Padilla.