Noong Martes, Agosto 26, nag-upload si Derek ng isang clip kung saan makikita siyang nakapiring habang ginagabayan ng Head Coach ng Kami no Ken na si Nasser Qazi. Sa unang tingin, tila ordinaryong gawain lamang ang ipinagawa sa aktor: pumili ng ilang gusot na papel na nakalagay sa mesa at itabi ang mga hindi niya napili. Ngunit ayon kay Derek, hindi pala ganoon kasimple ang pagsubok na ito.
Sa caption ng kanyang post, ipinaliwanag ng aktor: "After every tough exercise, I would stamp a sheet of paper — each mark carrying a powerful emotion. I thought the journey ended with the walk, but to my surprise, there was one final test. The simplest exercise of all... yet the hardest and scariest to face."
Sa video, makikita na habang tumatagal ay nagiging seryoso at emosyonal si Derek. Huminto siya sa pagpili ng mga papel at matamang tumitig sa isa na tila ba may kakaibang kahulugan para sa kanya. Nang sabihin sa kanya na alisin ang piring at tingnan ito, hindi na niya napigilang maluha.
Ibinahagi pa ni Derek ang bigat ng kanyang naramdaman sa mismong sandaling iyon. "In that moment, it felt like if I failed this one, everything I had pushed myself through — the pain, the struggle, the limits would all go to waste. So I dug deep, trusted the process, and followed my gut," pahayag niya.
Ngunit imbes na makita ito bilang kabiguan, nagdulot ng kakaibang pagpapalaya ang karanasan. Ayon kay Derek, ang kanyang pag-iyak ay hindi senyales ng kahinaan kundi bunga ng matinding kagaanan ng loob at pasasalamat.
"As you'll see in the video, the true essence of this program revealed itself. I completely broke down. Not from weakness, but from relief, amazement, and pure gratefulness. I found that paper holding all my emotions," pagbabahagi niya.
Maraming netizens ang naantig at nakarelate sa ipinakitang emosyon ng aktor. Para sa ilan, ipinakita lamang nito na kahit ang mga hinahangaan sa showbiz ay dumaraan din sa mga pagsubok na naglalantad ng kanilang kahinaan at tunay na pagkatao. Pinuri rin siya ng kanyang followers dahil sa katapatan at pagiging bukas sa kanyang karanasan.
Sa kabila ng pagiging simpleng gawain, naging makabuluhang simbolo ito para kay Derek Ramsay—isang paalala na ang tunay na lakas ay hindi lamang nasusukat sa pisikal na aspeto kundi sa kakayahang harapin ang sariling emosyon at tanggapin ang mga ito nang buong tapang.
Walang komento
Mag-post ng isang Komento
Share your opinion now!