Muling naging laman ng social media ang Kapuso actress na si Carla Abellana matapos magbahagi ng isang larawan sa kanyang Instagram account na agad namang nagdulot ng espekulasyon mula sa mga netizens. Sa naturang post, makikita lamang ang dalawang pares ng paa—isa ay nakasuot ng sapatos pambabae at ang isa naman ay panlalaki.
Bagama’t walang malinaw na paliwanag ang aktres, mabilis na inugnay ng kanyang mga tagahanga ang sapatos pambabae sa kanya. Samantala, ang isa pang pares ng paa na may panlalaking sapatos ay inisip ng mga netizen na pagmamay-ari ng isang "special someone" na diumano’y ka-date ni Carla.
Lalong naging palaisipan ang larawan dahil wala itong kasamang caption, maliban na lamang sa tatlong purple heart emoji na ibinahagi ng aktres. Para sa marami, tila isa itong subtle o “soft launch” ng bagong karelasyon ni Carla, bagay na ikinakilig ng kanyang mga tagasuporta.
Sa comment section ng kanyang post, bumuhos ang mga mensahe ng suporta at kilig mula sa mga netizens. Marami ang nagsabing masaya sila para sa aktres dahil mukhang natagpuan na nitong muli ang kaligayahan matapos ang pinagdaanang hiwalayan sa dating asawa na si Tom Rodriguez.
“Finally, nice one idol! So proud of you and omg, who is he??? Yan na ba yung ano mo, ayieee sobrang kilig naman ako idol!” saad ng isang fan.
“This makes me sooo happy,” dagdag pa ng isa.
Samantala, isa ring supporter ang nagkomento: “Wow naman idol, I don’t know idol basta maging masaya ka idol, masaya rin ako kasi you deserve naman. So happy for you.”
Hindi ito ang unang pagkakataon na pinaghinalaan ng publiko na may bagong inspirasyon si Carla. Matatandaang noong Hulyo, nag-post din siya ng isang larawan kung saan tila nasa isang intimate dinner siya kasama ng isang hindi pinangalanang kasama. Katulad ng kanyang pinakabagong post, hindi rin malinaw kung sino ang kasama niya ngunit agad itong nagdulot ng espekulasyon online.
Maraming tagahanga ang natutuwa na makitang masaya muli ang aktres. Matapos ang mahaba at pinag-usapang paghihiwalay nila ni Tom Rodriguez, tila unti-unting bumabalik ang saya at kulay sa kanyang personal na buhay. Sa kabila nito, nananatiling pribado si Carla tungkol sa kanyang love life, at mas pinipiling huwag pangalanan o ilantad nang diretso ang sinumang posibleng espesyal sa kanyang puso.
Para naman sa kanyang mga tagahanga, sapat na ang makita siyang masaya at tila inspired muli. Ayon sa ilan, deserve ng aktres ang bagong chapter sa kanyang buhay matapos ang lahat ng pagsubok na dinaanan.
Kung totoo man na may bagong pag-ibig sa buhay ni Carla, marami ang tiyak na susuporta sa kanya. Gayunpaman, para sa iba, mas mainam pa rin na hintayin mismo ang kumpirmasyon ng aktres kaysa gumawa agad ng konklusyon.
Walang komento
Mag-post ng isang Komento
Share your opinion now!