Hindi maitago ni Paolo Contis ang kanyang kasiyahan matapos ang matagumpay na pagiging host ng rebranded Eat Bulaga.
Nitong lunes, June 5, 2023 nakilala ang mga bagong hosts ng Eat Bulaga na pinili mismo ng TAPE Inc. na siyang papalit sa mga nagresign nang host sa pangunguna nina Tito Sotto, Vic Sotto at Joey De Leon.
Sa mga ulat, ibinahagi ni Paolo Contis ang kanyang karanasan bilang isang Eat Bulaga Dabarkads at ipinahayag ang kanyang pagka proud na napabilang siya sa mga panibagong host ng Eat Bulaga sa kanyang mga co-host kabilang sina Betong Sumaya at Buboy Villar.
“Ako, proud ako. Proud ako sa nagawa natin. Masaya ako na nagawa natin ang isang malinis na show para sa mga Dabarkads natin regardless of whatever. God bless sa atin.”
Ipinahayag ito ni Paolo Contis sa kabila ng mga natatanggap na pambabatikos at negatibong komento mula sa mga netizens sa kanyang pagpalit sa TVJ sa Eat Bulaga.
Sa ngayon si Paolo Contis ang siyang nakakatanggap ng mas maraming pambabatikos dala na rin sa kanyang mga nakaraang isyu.
May mga nagsasabi pang hindi nababagay kay Paolo Contis ang pagiging host sa Eat Bulaga dahil isa umano itong irresponsableng ama sa kanyang mga anak.
May mga kumukwestiyon din sa TAPE Inc. kung bakit nila kinuha si Paolo Contis gayung maari umanong maapektuhan ng bad image nito ang good image ng show.
Sa kabila nito, hiling ni Paolo Contis na sana'y bigyan naman sila ng pagkakataon na makapagbigay ng saya sa mga manonood at sa mga Dabarkads.
“I hope you give us a chance. Kasi at the end of the day, pinatawag kami para tumulong sa tao, para makapagpasaya ng tao. How you can say no to that?”
Nauna rito, nilinaw ni Paolo Contis na nais lamang niyang makapagbigay ng saya sa lahat kaya niya tinanggap ang offer ng TAPE Inc.
Walang komento
Mag-post ng isang Komento
Share your opinion now!