Matapos ang pagresign ng TVJ sa TAPE Inc. nitong May 31, 2023, inalok umano ang mga host ng Eat Bulaga na sina Jose Manalo, Wally Bayola, at Paolo Ballesteros na palitan sina Tito Sotto, Vic Sotto, at Joey de Leon ngunit tumanggi umano ang mga ito.
Ang JoWaPao ay naging bahagi ng longest-running noontime show sa loob ng maraming taon. Ang kanilang trio ay minahal din ng mga dabarkads.
Ilan sa kanilang ginawang memorable skits, lalo na noong Kalyeserye segments kung saan itinampok sina Maine Mendoza at Alden Richards.
Hindi naman lingid sa kaalaman ng lahat na kayang magpatakbo ng show ang JoWaPao dahil magaling naman silang mga komedyante. Tiyak na hindi mahihirapan ang tatlo sa pagbibigay ng aliw sa mga manonood.
Kasunod ng official announcement nina Tito, Vic, at Joey sa digital platforms ng Eat Bulaga tungkol sa desisyon nilang umalis sa TAPE Inc., naglabasan ang iba't-ibang spekulasyon sa susunod na mangyayari sa show.
Ayon pa sa anunsyo ng TVJ, hindi sila pinayagang ng TAPE Inc. na magkaroon ng live airing noong Mayo 31, 2023.
“PUMASOK PO KAMING LAHAT NGAYONG ARAW PARA MAGTRABAHO PERO HINDI PO KAMI PINAYAGAN NG NEW MANAGEMENT NA UMERE NG LIVE.
JULY 30, 1979 PO, NANG SIMULAN NAMIN ANG EAT BULAGA… 44 YEARS NA PO ITO NGAYONG TAON.
KAYA NAMAN LUBOS ANG AMING PASASALAMAT SA MGA NAGING TAHANAN NAMIN – ANG RPN9 FOR 9 YEARS, ABS-CBN FOR 6 YEARS, AT ANG GMA FOR 28 YEARS."
Matatandaan na nauna nang naiulat na tapos na ang negosasyon ng Eat Bulaga at TV5. Kaya naman marami ang nagsasabing lilipat na ang Eat Bulaga sa TV5.
Samantala, ayon sa aming nakalap na impormasyon hindi na umano Eat Bulaga ang magiging pangalan ng show, magiging Dabarkads na umano ito.
Gayunpaman, hindi pa nagbibigay ng statement ang TV5 hinggil dito.
Matatandaan na nauna nang naglabas ng pahayag ang GMA network kung saan isiniwalat nilang may existing contract pa sa kanila ang TAPE Inc.
Sa kabilang banda, usap-usapan ngayon ang pagtanggi umano nina Jose Manalo, Wally Bayola, Paolo Ballesteros sa offer ng TAPE Inc. sa kanila na palitan sina Tito Sotto, Vic Sotto at Joey De Leon sa show.
Walang komento
Mag-post ng isang Komento
Share your opinion now!