Usap-usapan pa rin ngayon sa online world ang pagtsugi ng karakter ni RK Bagatsing bilang si Greg sa “FPJ’s Batang Quiapo” nitong Lunes, May 30.
Marami naman ang nalungkot sa pagkakatsugi ni Greg sa Batang Quiapo dahil sa galing na ipinakita ni RK Bagatsing.
“Maraming salamat, Mr RK Bagatsing sa napakahusay at di matatawarang pagganap sa FPJ’s Batang Quiapo. PAALAM, GREG,” pagbabahagi ng Dreamscape Entertainment social media page.
Trending din ngayon ang nangyaring sagupaan nina Tanggol at Greg kung saan tuluyang namaalam ang huli.
May ilan pang kinatuwaan ang nasabing episode at naglabas ng kung ano-anong memes.
“Sinampal ba naman si Ma’am Charo ehh nag last day tuloy ahahaha. What a great character portrayal! Will always be a fan of RK!”
“Bat mo naman kasi sinampal si Ma’am Charo Greg? Tapos talaga character mo dyan hahahaha.”
“Sinampal niya si Lola Tindeng. Nagalit si Tanggol kaya ayun tinuluyan niya. A good job from RK Bagatsing as Greg.”
Samantala, nagpapasalamat naman si RK sa lahat ng mga sumuporta sa kanya at sa kanyang karakter sa nasabing teleserye.
“Greg Montenegro, signing off. Maraming salamat po direk coco, direk malu, direk darnel, cast and crew, sa buong solid team ng #FPJsBatangQuiapo.
“Napaka swerteng masaksihan at maramdaman yung dugo’t pawis na binibigay niyo bawat oras, para makapag bigay ng kasiyahan sa lahat ng manonood at taga suporta gabi gabi,” saad ni RK.
Humingi rin siya ng sorry sa pananampal kay Ms. Charo Santos.
“PS: Maam Charo, sorry po. Labyu.”
Walang komento
Mag-post ng isang Komento
Share your opinion now!