Social Media Accounts ni Liza Soberano Hindi Na Hacked! Sariling Desisyon Ang Pagbubura ng Posts!

Tinalakay kamakailan ni Boy Abunda ang pagkakabura sa lahat ng contents ng Instagram account at Youtube Channel ng aktres na si Liza Soberano, na naging trending dahil pinaniniwalaang na hack ang mga ito.

Sa “For Today’s Talk” segment ng kanyang show na “Fast Talk with Boy Abunda,” confident na sinabi ng TV host na hindi na-hack ang mga account ni Liza. 

“A couple of days ago... nabigla, nagulantang ang social media universe dahil with 17.6 million followers (on Instagram) and 1.55 million followers on YouTube, natanggal lahat ng content sa social media platforms ni Liza Soberano."

"So there were a lot of speculations, mga hula-hula, na-hack, basta maraming mga opinyon. I will confirm, hindi po na-hack. Hindi po na-hack ang social media accounts ni Liza.”

Ibinahagi pa ng King of Talk kung bakit sa tingin niya ay tinanggal ang lahat ng post, larawan at video ng aktres.

“Let me speak as a manager, not as a host. I would guess, because I still have to discuss this with people in the know. I would guess that Liza is taking on ibang direksyon po."

"I don't wanna say reinvention, that has to be discussed. Parang bagong direksyon sa kanyang karera.”

Dagdag pa ni Boy Abunda, “And what is the best way to communicate your new direction to your public than your social media platforms. So tinaggal ito lahat (content) at babaguhin ang mukha ng kanyang social media. So this is a rebrand.”