Barado si Heart Evangelista ng isang licensed dentist matapos nitong maglabas ng pahayag na mali ang naging pahayag ni Heart sa pagpopromote ng isang produkto.
Matatandaan na kamakailan lamang ay ibinahagi ni Heart sa kanyang Instagram account na palagi niyang dala-dala ang isang teeth whitening pen saan man siya mapunta upang may pantanggal siya sa mga coffee stains.
Samantala, kumakalat ngayon ang isang Tiktok video kung saan itinama ng isang dentista ang nasabing promotion ni Heart sa paggamit ng teeth whitening pen. Makikita sa video na binanggit at binasa pa ang naging promotion ni Heart sa teeth whitening pen. Ipinakita din nito ang crown ng teeth ni Heart at inilagay bilang caption na hindi nakakaputi ng crowns ang teeth whitening pen.
Ipinunto rin nito na hindi kailangang paputiin kaagad ang ngipin pagkatapos uminom ng kape dahil hindi naman umano kaagad nagkaka-stain ang ngipin pagkatapos ng pag-inom ng kape. Tila ipinagdiinan din nito na hanggang pagpopromote lamang ang ginagawa ni Heart at ni hindi man lamang daw nito ginagamit ang produkto.
Binigyan din ng dental hygienist ng babala ang publiko na hindi basta-basta gagamit ng mga produktong ipinopromote ng mga sikat na personality na hindi sigurado kung tested ba ito.
Samantala, wala pa ring tugon si Heart sa naging isyung ito.
Walang komento
Mag-post ng isang Komento
Share your opinion now!