Exclusive! Vic Sotto Nagsalita Na Sa Biglaang Pag Layas Sa GMA7

 Mainit na pinag-uusapan ngayon sa ilang mga social media platforms at ilang mga news sites ang balitang umalis na sa pamunuan ng GMA Network ang kilalang komedyante na si Bossing Vic Sotto.

Bagama't ayaw nang magbigay ng pahayag ni Vic Sotto patungkol sa nasabing isyu subalit tuluyan nang kinumpirma ni Pauleen Luna na hindi na eere sa GMA7 ang sit com na Open 24/7 na pinangungunahan ng kanyang mister na si Vic Sotto.

Ang sit com ni Vic Sotto ay mapapanood sa telebisyon sa tuwing sabado pagkatapos ng Magpakailanman. Ang nasabing sit com ay hindi na napanood noong sabado na labis na ikinalito ng mga tagasubaybay nito, pagkatapos ng Magpakailanman ang ipinalabas ay Daig Kayo ng Lola Ko.

Isa sa ikinalito ng maraming mga netizens ay ang pananahimik ng GMA7 sa usaping ito, hindi man lamang sila naglabas ng pahayag patungkol sa agarang pagtatapos sa show ni Vic Sotto.

Maging ang aktor ay nanahimik na rin patungkol sa isyung ito at tumanggi nang magbigay ng kung anong pahayag.

Samantala, marami naman ang nagsasabing hindi na nakakagulat ang pag-alis ni Bossing Vic Sotto sa GMA7 matapos ang mainit na isyu sa agawan ng titulo ng Eat Bulaga noon sa pagitan ng TVJ na sina Tito Sotto, Vic Sotto, at Joey De Leon at ng production company na TAPE Inc. nadamay rin noon ang GMA sa isyu ng dalawang kampo dahil pinanigan umano ng GMA ang TAPE Inc.

Sa kabilang banda, may nabanggit din si Pauleen Luna na sit com na gagawin ni Bossing Vic Sotto sa TV5 subalit hindi pa umano ito napa-finalize sa ngayon.

TV Host Aktres Sumama Ang Loob Sa Network, Lalayas Na!

 Talagang ikinasama ng loob ng Miss Universe 2020 na si Rabiya Mateo ng tanggalin siya bilang isa sa mga host ng Kapuso show na TikToClock.

Kamakailan lamang ay inanunsyo bilang bagong endorser ng Royalty Aesthetics ang actress-host at beauty queen na si Rabiya Mateo, isa sa mga naikwento rito ni Rabiya Mateo ay ang nagtapos niyang journey bilang co-host ng TikToClock.

Inamin ni Rabiya Mateo na masama ang kanyang loob dahil sa nagtapos niyang journey sa TikTokClock ipinahayag rin niya na talagang nami-miss na niya ang kanyang mga kasamahan roon sa show.

Gayunpaman, ipinahayag  ni Rabiya Mateo na malaki ang kanyang pasasalamat sa pamunuan ng TikTokClock bagama't hindi umano nila ni-renew ang kanyang kontrata ay nabigyan naman siya ng labis na exposure dahil sa show.

Hiling naman ni Rabiya Mateo na sana balang araw ay mabigyan siya ng pagkakataon na muling makasama sa GMA show na TikTokClock.

Samantala, naging laman ng mga usapk-usapan noon ang dahilan ng pagkasibak ni Rabiya Mateo sa show na TikTokClock. May mga naglabasang mga isyu na ang totoong dahilan kung bakit tinanggal siya rito ay ang kanyang pagiging attitude noong minsan ay napagalitan siya.

Ayon sa mga kumakalat na usap-usapan, napagsabihan si Rabiya Mateo nang minsang malate ito sa show subalit hindi ito maayos na tinanggap ng aktres at napawalk out pa dahil ayaw nang pinagsasabihan.

Kung sakaling ganito ang work ethics ni Rabiya Mateo talagang hindi siya magtatagal sa kahit na anong show at kahit na anung network.

Mother Ni Yen Santos, Itinangging Nagkarelasyon Ang Anak at Si Paolo Contis

 Sa wakas ay nagbigay na ng pahayag ang ina ni Yen Santos tungkol sa napapabalitang relasyon ng kanyang anak at ng kontrobersyal na aktor na si Paolo Contis.

Sa online program ni Jobert Sucaldito, hinarap ni Gng. Yan Santos, ina ni Yen Santos ang publiko at nilinaw niya ang totoong relasyon ng kanyang anak sa kontrobersyal actor na si Paolo Contis.

Itinanggi ni Yan Santos ang pagkakaroon nina Yen Santos at Paolo Contis ng relasyon kaya naman paano maghihiwalay ang dalawang wala namang ugnayan sa isa't-isa sa una pa lamang.

Bukod pa rito, nilinaw din ng ina ng aktres na si Yen Santos na walang kinalaman ang kanyang anak na aktres sa totoong dahilan ng paghihiwalay nina Paolo Contis at LJ Reyes.

“Tinawagan ko po si mommy Lilian, si mommy Lilian is the mother of Yen Santos kasi very close sa akin ‘yang batang ‘yan more than 10 years na,” pahayag ni Jobert.

“Sabi ko, ‘mommy may tanong lang ako?’ ‘Ano ‘yun ‘nay?’ Nanay din kasi ang tawag sa akin no’n, eh. Sina Yen ba at si Paolo hiwalay na? Sabi sa akin, ‘nanay naman pati ba naman ikaw naniwala? Never namang naging sila?’” pagkukwento nito.

Ikinalito naman ito ng maraming mga netizens dahil matatandaan na noong 2023 ay hayagang inamin ng aktor na si Paolo Contis ang pagkakaroon nila ng relasyon ni Yen Santos.

Ipinahayag pa noon ni Paolo Contis kung paano siya nahulog at nainlove kay Yen Santos. Ayon kay Paolo Contis noon, nahulog at minahal niya si Yen Santos dahil ito lamang umano ang nanatili sa kanya sa mga panahong labis siyang nababatikos dahil sa hiwalayan nila noon ni LJ Reyes.

Samantala, marami ang naghinalang naghiwalay na sina Yen Santos at Paolo Contis nang burahin ng aktres ang sweet message niya para kay Paolo Contis noong nakaraang kaarawan nito.

Bukod pa rito in-unfollow na rin ni Yen Santos si Paolo Contis sa Instagram dahilan para isipin ng marami na talagang kumpirmado na ang kanilang paghihiwalay.

Nanay Ni Sarah, Nagreact, Barbie Imperial Ginagaya Daw Si Sarah Lahbati

 Usap-usapan ngayon sa ilang mga social media platforms at maging sa ilang mga entertainment news sites ang usap-usapang si Barbie Imperial ang ipinalit ni Richard Gutierrez sa kanyang asawang si Sarah Lahbati matapos ang kanilang paghihiwalay nitong nakaraang taon.

Ilang beses na rin kasing namamamataan ang dalawa na magkasama sa pagbabakasyon at maging sa paggi-gym ay magkasama rin umano ang dalawa.

Bukod sa usaping ito, marami rin ang nakapansin ng tila panggagaya umano ni Barbie Imperial kay Sarah Lahbati na siyang estranged wife ni Sarah Lahbati.

Nakakatanggap ngayon ng pambabatikos ang aktres na si Barbie Imperial dahil sa panggagaya nito kay Sarah Lahbati na napapansin na ng maraming mga netizens.

Sa gitna ng kontrobersiyang ito, nagbigay ng reaksyon ang ina ni Sarah Lahbati na si Esther Lahbati. 

Hindi pinalampas ng ilang mga netizens ang kanilang mga napapansin ngayon sa aktres na Barbie Imperial matapos maiugnay sa kanyang pangalan ang dating asawa ni Sarah Lahbati na si Richard Gutierrez.

Unang naging laman ng mga usap-usapan ang pagkakaroon ng ugnayan nina Sarah Lahbati at Richard Gutierrez nang kumalat sa social media ang mga video na kuha sa isang bar kung saan makikita ang kakaibang closeness ng dalawa.

Nasundan pa ang usaping ito ng mapansin ng maraming mga netizens na tila magkasama sa pagbabakasyon sina Sarah Lahbati at Richard Gutierrez noong holy week base sa mga larawan na kanilang binabahagi sa social media.

Kamakailan lamang ay namataan rin ang dalawa na magkasamang nagbabakasyon sa South Korea. May nai-flex ring larawan si Barbie Imperial kung saan makikitang tila sabay silang nag-work out sa isang gym ni Richard Gutierrez.

Samantala, marami ang nakapansin na tila may pagkakatulad umano sina Barbie Imperial at Sarah Lahbati, bukod sa pareho silang maganda ay tila magkakapareho rin sila ng life updates kamakailan.

Tulad na lamang ng pagkakapareho nila ng culinary activities bilang studyante ng CCA Manila. Ibinabahagi ni Barbie Imperial ang kanyang mga pinagkakaabalahan ngayon sa nasabing school sa kanyang social media accounts.

Subalit, nagdulot ito ng kontrobersiya nang balikan ng ilang mga netizens ang dating activities ni Sarah Lahbati noon sa nasabing school na magkakapareho umano sa ginagawa ngayon ni Barbie Imperial.

Bukod sa mga culinary activities, may mga nagsasabi rin na tila maging ang pananamit ni Sarah Lahbati ay ginagaya rin umano ni Barbie Imperial.

Samantala, tila nagpahayag naman ng reaksyon ang ina ni Sarah Lahbati na si Esther Lahbati sa mga nagsasabing ginagaya ni Barbie Imperial ang kanyang anak.

Sa isang Instagram post ni Esther Lahbati kung saan ipinakita niya ang mga larawan marami sa mga netizens ang nagkomento patungkol sa panggagaya ni Barbie Imperial kay Sarah Lahbati.

Napatawa na lamang rito si Mommy Esther na tila natatawa siya sa desperadong panggagaya ni Barbie Imperial sa kanyang anak para mabihag nito ang aktor at estranged husband nito na si Richard Gutierrez.

View this post on Instagram

A post shared by Sarah Lahbati (@sarahlahbati)

Isabelle Daza Spotted Na Nagta-Trabaho Bilang Isang Flight Attendant

 Nag-viral sa social media ang dating Eat Bulaga host na si Isabelle Daza matapos siyang makita ng ilang mga netizens na nagtatrabaho siya bilang flight attendant sa Cebu Pacific.

Kumakalat ngayon ang ilang mga post sa social media ang nagpakita kay Isabelle na nakasuot ng uniporme ng flight attendant at aktibong tumutulong sa mga pasahero sa buong flight.

Isa sa mga nag-upload ng video ay si San Dy, na nagsasabi na ang flight kung saan nagtatrabahi si Isabelle Daza ay mula Davao patungong Maynila noong May 20, 2024.

Hindi napigilan ng mga netizens na magtanong kung ito na ang naging trabaho ni Isabelle Daza mula nang umalis siya sa Eat Bulaga at isa sa mga nagpahayag ng kalungkutan matapos ang pag-alis ng longest-running noontime show sa GMA Network at TAPE Inc.

Pinuri rin ng mga netizens ang hitsura ngayon ni Isabelle Daza, sinabing fit siya para maging flight attendant dahil sa kanyang kagandahan at mahusay na communication skills.

Matatandaang tatlong taon ding naging host ng Eat Bulaga si Isabelle Daza.

Sa kabilang banda, naniniwala naman ang ilang mga netizens na si Isabelle Daza ay maaaring nagtatrabaho lamang sa Cebu Pacific para sa isang promotion o kaya naman isa lamang itong campaign.

Sa ngayon ay hindi pa naman naglalabas ng pahayag si Isabelle Daza kung isa na nga ba siyang full-time employee ng Cebu Pacific o kung nakikipagpartner na sila sa Cebu Pacific.

Reaksyon ni Cristy Fermin sa Cyber Libel Case ni Dominic Roque

 Tinapos na ng batikang kolumnista na si Cristy Fermin ang kanyang pananahimik sa maraming kaso na natanggap niya mula sa iba't ibang celebrity dahil sa kanyang mga pahayag sa kanyang online program.

Kamakailan lamang ay nakapanayam ng GMA News si Cristy Fermin tungkol sa mga kaso na natanggap niya mula kay Dominic Roque at sa iba pang mga celebrities.

Ayon kay Cristy Fermin hindi umano niya inasahan na maging si Dominic Roque ay magsasampa rin ng kaso laban sa kanya at ipinaalam lamang ito sa online.

Ipinunto rin ng beteranong columnist na si Cristy Fermin na hanggang ngayon ay hinihintay niya ang subpoena para sa mga kasong isinampa sa kanya ni Bea Alonzo na hanggang ngayon ay wala pa naman umanong dumarating.

Gayunpaman, nagpahayag ng kumpiyansa si Cristy na matagumpay niyang maipagtanggol ang sarili at hindi siya mapaparusahan ninuman ng mga nagsampa ng kaso laban sa kanya.

“Hindi ko pa alam eh. ‘Yung kay Bea nga, hindi pa kami nag-start, hindi pa namin nakukuha ‘yung subpoena,”  saad ni Cristy Fermin.

Sinabi naman ni Cristy Fermin na karapatan naman ng mga nagsampang celebrities sa kanya subalit tingnan na lamang umano sa huli kapag nagkasagutan na kung sino ang mananalo.

“Karapatan naman nila ‘yan. Karapatan nila ‘yan basta tignan na lang natin kung ano ang mangyayari kapagka nagsagutan na, ‘di ba?” kompyansang pahayag ni Cisty Fermin.

Ibinahagi rin ni Cristy Fermin na maglalabas siya ng opisyal na pahayag sakaling matatanggap na niya ang mga subpoena ng mga kasong isinampa laban sa kanya.

Bukod kina Dominic Roque at Bea Alonzo, sinampahan rin ng kaso si Cristy Fermin ng ina ni Sarah Lahbati na sina Esther Lahbati, Kiko Pangilinan, at Sharon Cuneta.

Matatandaang nakilala ang beteranong columnist sa kanyang mga sinasabi tungkol sa mga celebrity  kung saan hindi niya fini-filter ang mga sinasabing pahayag laban sa mga artista kaya naman hindi na kataka-taka na makasuhan siya ng cyber libel.

Philmar Alipayo Nagsalita Na Tungkol Sa Viral Video Nila Ni Crissa Liaging at Ang Issue Sa Kanila!

 Sa wakas ay nagbigay na ng pahayag ang kilalang surfer at partner ni Andi Eigenmann na si Philmar Alipayo sa isyung kinaharap niya matapos i-upload ng isang content creator ang kanilang meeting sa social media.

Matatandaang nag-upload ng video ang content creator na si Crissa Liaging sa kanyang TikTok account kung saan makikita ang kanyang pakikipag-usap kay Philmar Alipayo sa Siargao.

Kaagad itong nakakuha ng milyun-milyong view at magkahalong reaksyon mula sa mga netizen dahil sa ginamit niyang background music.

Ang video ay nakakuha ng iba't ibang interpretasyon mula sa ilang netizens dahil gumamit si Crissa Liaging ng isang romantikong kanta habang ipinapakita ang kanyang pakikipag-usap kay Philmar Alipayo na half naked sa panahong iyon.

Tanging action lamang din ang makikita sa video dahil hindi naman naririnig kung ano ang kanilang pinag-usapan.

Samantala, ibinahagi ng entertainment reporter na si Boy Abunda ang kanyang nakuhang impormasyon mula kay Philmar Alipayo patungkol sa nangyari. Ayon sa pahayag umano ni Philmar Alipayo ay nakainom siya noong mga panahong iyon, na nagpapaliwanag ng mga ikinilos niya sa harap ni Crissa.

Ibinunyag pa ni Boy Abunda na noong una ay nagtawanan lamang umano sina Philmar at ang kanyang partner na si Andi Eigenmann nang i-upload ang video. 

Gayunpaman, naging seryoso ang isyung ito nang muling ginamit ng ilang tao mga tao ang content ni Crissa at binabahiran na ng malisya.

“What happened was, Philmar drank, had a friendly conversation with this girl on the video, and that’s it, according to Philmar and Andi,” pahayag ni Tito Boy. 

“Kaya ‘nung una nilang nakita ang video, nagtawanan lang sila ni Andi, but what bothered them, it was edited and uploaded to create an issue,” dagdag pa nito.

Matatandaan na nauna nang nagbigay ng pahayag si Andi Eigenmann kung saan binatikos niya ang mga taong nagbibigay ng malisya sa ginawa nina Philmar Alipayo at Crissa Liaging gayung wala naman umanong masama sa pakikipag-usap ni Philmar dahil hindi rin naman umano niya pinagbabawalan si Philmar na minsan ay sumama sa kanyang mga kaibigan.

Nagbigay na rin naman ng pahayag si Crissa Liaging kung saan iginiit niyang walang landian na naganap sa pagitan nila ni Philmar Alipayo. Hindi rin umano niya intensyon na lagyan ng malisya ang ibinahaging video dahil sa backgroung music nito dahil ginamit lamang niya sa video ang kanyang paboritong kanta.

Xian Lim May Patama Kay Kim Chiu Dahil Sa Patuloy Na Paninisi Sa Netizens Sa Break-up

 Tila hindi pa tapos ang actor-director na si Xian Lim sa kanyang pagpapansin sa social media dahil mula na naman siyang nagbigay ng pahayag na patama sa kanyang dating karelasyon na si Kim Chiu.

Muli na namang nagkwento ang aktor na si Xian Lim patungkol sa naging karanasan niya sa pag-ibig at sa dating karelasyon.

Nagbigay ng pahayag si Xian Lim poatungkol sa pinaglaruan sa isang panayam sa press para sa kanyang pelikulang "Playtime."

Ang pelikulang Playtime ay patungkol sa isang lalaking ginagampanan ni Xian Lim, na nang-aakit ng mga babae sa kakahuyan, kung saan niya hinuhuli ang mga ito sa isang "game."

Naitanong ng press kay Xian Lim kung naranasan na ba niyang paglaruan ang ibang tao, kabilang na ang mga dati niyang nakarelasyon kasama na ang aktres na si Kim Chiu.

Ayon kay Xian Lim, hindi siya nang-playtime sa kanyang mga nakarelasyon subalit hindi rin umano niya alam kung siya ba ang na-playtime ng mga ito.

“Kung ako yong nang-playtime, hindi po. If ako ba yong na-playtime niya or nila, hindi ko rin alam,” pahayag ni Xian Lim.

Ayon pa kay Xian Lim, ang mahabang relasyon ay hindi dapat maging isang indikasyon ng 'playtime'.

“If sa duration ng relationship masasabi mo na no matter kung may playtime nga yan sa tagal ng relationship nyo kung weeks, months or years, you can never say it was playtime,” saad ng aktor.

“There was a reason kung bakit dumating yang tao sa buhay mo mapa maganda man on or hindi. There’s a reason why the person came into your life,” dagdag pa niya.

Samantala marami naman sa mga tagahanga ni Kim Chiu ang naniniwala na muli nanamang binanatan ng aktor si Kim Chiu sa kabila ng pananahimik nito patungkol sa nangyaring paghihiwalay nila matapos ang labin dalawang taon.

Sa ngayon ay mayroon ng bagong girlfriend at karelasyon si Xian Lim ang VIVA Producer na si Iris Lee.

Just in! KC Concepcion Hiwalay Na Sa Kanyang Fiance Na Filipino-Swiss Na Si Mike Wuethrich!

Usap-usapan ngayon sa ilang mga social media platforms at ilang mga entertainment news sites ang balitang hiwalay na ang aktres na si KC Concepcion sa kanyang Filipino-Swiss boyfriend na si Mike Wuethrich.

Nag-ugat ang usaping ito ng mapansin ng maraming mga netizens na hindi na naka-follow sina KC Concepcion at Mike Wuethrich sa isa't-isa sa kanilang Instagram account.

Nito lamang nagdaang byernes May 31, 2024 napansin ng isang netizen na hindi na makikita sa mga following list nina KC at Mike sa Instagram account ang isa't-isa.

May mga nakapansin rin na burado na sa Instagram account ni Mike ang ilang mga larawan nilang pinagsamahan ni KC Concepcion.

Matatandaan na unang lumabas ang mga bulong-bulungan na naghiwalay na sina KC Concepcion at Mike Wuethrich noong April nang mapansin na hindi na sila nagbabahagi ng mga bagong larawan na magkasama sa social media.

Nasundan pa ito ng mapansin ng marami na hindi dumalo sa naganap na birthday party ni KC Concepcion ang kanyang boyfriend noong April 7, 2024.

Subalit, tila pinabulaanan naman ni KC Concepcion ang mga haka-hakang ito nang nagbahagi siya sa kanyang Instagram ng isang video kung saan may hawak siyang bulaklak na ipinabibigay sa kanya ni Mike kahit wala ito sa Pilipinas.

Bukod pa rito, binati rin ni KC Concepcion si Mike noong nakaraang birthday nito noong April 23, 2024 kalakip ang isang napakasweet na mensahe.

Samantala, noong May 18, muling nabuksan ang agam-agam ng mga netizens na nagkahiwalay na sina Mike at KC nang magbahagi ang aktres ng isang larawan na may caption na, 'moving on'.

 

Vice Ganda Binatikos Matapos Na Ipahiya Ang Contestant Sa It's Showtime

 Naglabas na ng pahayag si Vice Ganda kaugnay sa naging kontrobersyal na reaksyon niya sa isang searchee sa segment nila sa It's Showtime na Expecially For You.

Nagbigay na rin umano ang searcher kung saan nilinaw niyang walang naganap na halikan sa kanila ng searchee at tila na misinterpret lamang ni Vice Ganda ang lahat.

Matatandaan na inakala ng maraming mga netizens na may naganap na halikan sa pagitan ng isang searchee at searcher sa isang episode ng segment na Expecially For You sa It's Showtime.

Kaagad itong umani ng samu't-saring reaksyon mula sa mga netizens at mga manonood ng show kaya naman minabuti na ng searcher na magbigay ng pahayag patungkol rito para maging malinaw na ang lahat.

Nag-ugat ang nasabing usapin ng mapansin ng maraming mga netizens na tila nailang ang searcher na si Christine sa pagbeso ng napiling searchee na si Axel na kaagad namang sinita ni Vice Ganda.

Samantala sa pagbibigay ng linaw ni Christine sa nangyari ay agad namang humingi ng paumanhin si Vice Ganda sa kanyang naging reaksyon sa segment sa pamamagitan ng kanyang Twitter post.

Inamin ni Vice Ganda na mali ang kanyang reaksyon sa pagbeso ni Axel inakala kasi umano niya at maging ng ibang mga madlang pipol na naroon ay na-off ang kanilang contestant dahil bigla na lamang siyang sinuggaban ng halik at inakala nila na nakaramdam ng pagka-violate ang nasabing babae subalit dahil ito na mismo ang nagsasabing walang halik na naganap ay humihingi ngayon si Vice Ganda ng paumanhin sa lalaki.

Marami naman sa mga netizens ang pumuri kay Vice Ganda dahil sa paghingi niya ng paumanhin sa lalaki matapos ang paglilinaw ni Christine na wala itong nagawang masama para na rin matigil na ang mga nambabash sa tao dahil sa naging reaksyon ni Vice Ganda.

Sorry na mali ang reaction ko. Ang dating kasi sakin at sa ibang andun eh na-off si girl na sinunggaban sya ng halik and i thought na she felt violated. Since hindi naman pala I will apologize to the guy. https://t.co/nSyvvrEtqG

— jose marie viceral (@vicegandako) June 2, 2024

Kim Chiu Paulo Avelino Magkasamang Nag Gym, Kim Chiu Nagbigay Ng Update

 Usap-usapan ngayon sa ilang mga social media platforms at ilang mga entertainment news sites ang panayam ni Kim Chiu sa showbiz reporter na si MJ Felipe.

Kabilang sa mga naitanong kay Kim Chiu ay kung paano nila pinaghandaan ni Paulo Avelino ang trending nilang bed scene sa Philippine adaptation ng What's Wrong With Secretary Kim.

Ayon kay Kim Chiu, ginabayan siya ng maayos ni Paulo Avelino sa kanilang bed scene dahil hanggang cabinet scene lamang ang kaya ng kanyang powers.

Labis naman itong kinakikiligan ng mga KimPau fans dahil kung pagbabasehan ang mga naging pahayag ni Kim Chiu ay mahihinuhang talagang napaka komportable na nila sa isa't-isa dahilan para hindi na mailang si Kim Chiu kahit baguhan pa lamang siya sa mga ganoong uri ng roles.

Sa kabilang banda, lalo namang nagniningning ang mga mata ng mga tagahanga nina Paulo Avelino at Kim Chiu nang kumalat sa social media ang mga video clips kung saan makikitang magkasama ang dalawa sa isang gym at sabay na ginawa ang kanilang workout routines.

Sa  ngayon ay talagang naghihinay-hinay lamang sina Kim Chiu at Paulo Avelino sa kanilang pagkilala sa isa't-isa gayunpaman, naniniwala ang marami sa kanilang mga tagahanga na mapapasaan rin at darating din ang panahon na aamin na ang dalawa sa kanilang pagmamahalan.

Subalit, hindi pa rin nawawala ang ilang mga agam-agam ng ilang mga tagahanga ni Kim Chiu na baka ay muli lamang na masaktan ang aktres dahil kilala na umano itong si Paulo Avelino na magaling na magpaasa kagaya na lamang sa ginawa nito noon kay Janine Gutierrez,

Hiling nila na sana sa pagkakataong ito ay magseryoso na si Paulo Avelino kay Kim Chiu at huwag itong magbigay ng mga false hope para sa aktres na kamakailan lamang ay nakaramdam ng matinding pagkabigo dahil sa hiwalayan nila ng kanyang boyfriend sa loob ng 12 years na si Xian Lim.

Lie Reposposa Naglabas Ng Sama Ng Loob Sa Kanyang Ina

 Ipinahayag ng aktres na si Lie Reposposa ang kanyang mga disappointment online matapos siyang makatanggap ng mensahe mula sa kanilang kapitbahay, na nagpaalala sa kanya na suportahan ang kanyang pamilya.

Sa isang komento sa post ni Lie Reposposa, sinabi sa kanya ng kapitbahay na si Marecar Santos na ang kanyang pamilya ay nahihirapang bumili ng pagkain para sa kanilang sarili araw-araw habang siya ay komportableng naninirahan sa lungsod kasama ang kanyang boyfriend na foreigner.

“Hoy! tulungan mo mama mo magabayad sa mga utang niya at sa tubig sa kuryente, wag pasarap jan sa kwarto mo magbigay ka naman ng pagkain sa mga kapatid mo tuyo at mantika lang ulam nila ikaw pa makdo- makdo at Jolibee kapa, kapatid mo at panay lawoy lang ulam nila wala pang subak,” pahayag ng kanilang kapitbahay.

Bilang sagot sa komentong ito, naglabas ng mahabang post si Lie Reposposa tungkol sa kanyang mga paghihirap bilang breadwinner ng kanilang pamilya, kung saan isiniwalat niya na pitong tao ang kanyang sinuportahan.

Gayunpaman, sa halip na magpasalamat, hindi maitago ni Lie Reposposa ang kanyang lungkot at pagkadismaya na pinag-uusapan pa rin siya ng kanyang pamilya sa kanyang likuran at sinisiraan siya sa kanilang mga kapitbahay kapag nagkulang ng kunti ang kanyang naibibigay.

Naniniwala rin siya na mismo ang kanyang ina ang nagsabi sa kanilang kapitbahay tungkol sa kawalan umano niya ng suporta sa mga ito sa kabila ng kanyang mga sakripsyo para sa kanilang pamilya.

“Gusto ko lang mag labas ng sama ng loob hindi ko alam kung tama or mali ba tong gagawin ko pero sobra na as a bread winner nakakapagod din noong una gusto ko lang naman tumulong hanggang sa naging obligation ko na lahat 1 lang ako pero 7 yong dapat bubuhayin ko ang masakit pa para sa akin tinulongan ko naman sila pero pag hindi ko nabigay ang gusto nila nagiging masama na ako kasalanan ko pa sariling mama ko pa mag chichismis sakin sa mga kumare niya syempre nasasaktan din ako,” paghihinakit ni Lie Reposposa.

Iginiit pa ni Lie na ayaw na sana niyang mabuksan sa publiko ang isyu na may kinalaman ang kanyang pamilya subalit wala na siyang magagawa dahil sinisiraan na siya ng labis ng mga ito.

Ogie Diaz May Isiniwalat Tungkol Sa FAMAS Hindi Deserving Ang Ibang May Award!

 Pinuna ng kilalang talent manager at showbiz reporter na si Ogie Diaz ang mga organizer ng FAMAS matapos nilang palitan ang beteranang aktres na si Eva Darren bilang presenter sa huling minuto ng event.

Sa kanyang Facebook post, ipinahayag ni Ogie Diaz na mahirap paniwalaan ang paliwanag ng FAMAS na hindi nila mahanap si Eva Darren sa venue, sa kabila ng testimonya ng ilang bisita na nakaupo malapit sa stage ang beteranang aktres sa buong duration ng event.

“Sabi ng FAMAS spokesperson ba ‘yon? Hindi raw ma-locate ang seat ni Ms. Eva Darren, kaya nagkaroon ng last minute replacement sa stage. Sorry for my word, put—ina naman, sa tanda naman ni Ms. Eva, saan naman kaya siya pupunta? Nagte-table hopping ba siya? Nagyosi sa backstage? Nag-jog sa Quirino Grandstand? Namamasyal sa Luneta? Mga palaka kayo!” saad ni Ogie Diaz.

Ipinahayag rin ni Ogie Diaz na hindi na siya nagulat sa nangyari kay Ms. Eva Darren sa FAMAS ngayong taon dahil nabalitaan din niya na ang ilan sa mga parangal ay naiimpluwensyahan ng mga sponsor nito.

“Samantalang me nakapasabi sa akin (kayo nang mga taga-riyan ang sumagot kung true), binigyan n’yo ng award ang ilang hindi naman karapat-dapat magka-award porke nag-sponsor lang nang malaki. True ba? Tapos, inabala n’yo ‘yung matandang nirerespeto sa industriya para lang mabastos sa Gabi ng Parangal?”

Sa kabilang banda nauna nang nagbigay ng pahayag ang head organizer ng FAMAS kung saan iginiit niyang hindi talaga nakita ng kanilang staff si Ms. Eva Darren sa audience dahilan para mapilitan silang kukuha ng bagong presenter, ito'y matapos ihayag ng maraming mga tao roon na nasa harap lamang si Ms. Eva Darren at may mga pangalan naman na nakasulat sa kanilang mga inuupuan.

Dominic Roque Nagsampa Ng Cyber Libel Kay Cristy Fermin

Nagsampa ng kaso laban kay Cristy Fermin ang modelong si Dominic Roque sa Pasig City Office of the Prosecutor dahil sa mga mapanirang pahayag ng beteranong kolumnista laban sa kanya.

Ayon sa mga paratang ni Dominic Roque laban kay Cristy Fermin, naglabas ang kilalang kolumnista ng hindi makatotohanang pahayag laban kay Dominic Roque sa kanyang online show na “Showbiz Now Na,” sa gitna ng mainit ng usapin tungkol sa breakup nila  ng Kapuso actress na si Bea Alonzo.

Matatandaang sinabi ni Cristy Fermin na ang condo ni Dominic Roque ay pagmamay-ari ng isang lalaking politiko na malapit sa modelo. Iginiit pa noon ni Cristy Fermin na hindi siya hihingi ng tawad kay Dominic Roque.

“Hindi ako hihingi sa iyo ng patawad. Ni paumanhin ipagdadamot ko dahil kahit minsan, hindi ko sinabi na si Dominic Roque ay nakatira sa isang condo unit na pag-aari ng isang baklang politiko,” pagpapahayag noon ni Cristy Fermin.

Iginiit din ni Cristy Fermin na napakaselan lamang ni Dominic Roque gayung isa itong public figure na tinitingnan ng maraming mga tao sa mundo ng showbiz sa bansa at sinusundan ng marami ang nangyayari sa kanyang buhay.

“Ngayon, Dominic Roque, napakaselan mo, napaka-sensitibo mo. Public figure ka pero lumalabas dito sa iyong pinalabas na opisyal na pahayag sa pamamagitan ng iyong mga abogado, na ayaw mong may naririnig at nababasa na para sa iyo ay hindi kagandahan na kwento,” paghayag ni Cristy Fermin.

Dagdag pa ni Cristy Fermin, “Unang-una, public figures kayo, wag na natin gamitin yun public property dahil may sarili rin kayong buhay na dapat itira kahit kudlit lang para sa sarili niyo. Pero pigura kayo ng showbiz, public figures kayo, anumang nangyayari sa buhay niyo ay para kayong isda sa aquarium. Tinititigan kayo.”

Bukod kay Dominic Roque kinakaharap din ngayon ni Cristy Fermin ang iba pang kaso ng ibang mga celebrities na sina Bea Alonzo, Sharon Cuneta at Kiko Pangilinan.

 

Pelikula Ng Sikat Na Love Team Takot Na Ma-Flop!

 Mainit na pinag-uusapan ngayon sa ilang mga social media platforms at ilang mga entertainment news sites ang pag-aatubili ng isang baguhang film producer na ipalabas sa mga sinehan ang ginawang pelikula na pinagbibidahan ng isang kilalang loveteam.

Nag-ugat ang takot producer sa pelikulang nagawa at naipalabas na ng aktor sa loveteam na hindi naman masyadong tinangkilik ng manonood.

May mga nagpapayo naman umano sa nasabing producer na ipalabas pa rin sa mga sinehan ang pelikula. Subalit kapag hindi sinuportahan ng maraming manonood, ay maari naman  niya itong ibenta sa streaming app at sa TV network na kinabibilangan ng loveteam.

Bukod pa sa kakulangan ng manonood maari ring mahirapan ang producer na makahanap ng sinehan dahil bago tanggapin ng mga sinehan ang pelikula ay pinag-aaralan muna nila ang makukuhang commercial viability nito.

Kung sa mga online streaming naman ito ipapalabas ay kikita lamang ito ng kaunti pero mas mabuti na rin iyon kaysa sa wala talaga.

Gayunpaman, ang malaking hamon naman rito ay ang pagpapalabas rin ng mga online streaming apps ng mga pelikula mula sa ibang bansa na mas tinatangkilik ng mga Pilipino kaysa sa mga local na pelikula na ginawa ng bansa.

Kaagad naman nagbigay ng samu't-saring  opinyon ang ilang mga netizens patungkol sa dahilan kung bakit hindi tinatangkilik ang mga pelikulang gawa ng bansa.

Ayon sa opinyon ng maraming mga netizens na nasa kalidad ng mga pelikula ang dahilan at ang uri ng storya nito kumpara sa pelikulang inilalabas sa ibang bansa.

Philmar Alipayo Bumabawi Ngayon Kay Andi Eigenmann, Nagpost Ng National Couple Day!

 Philmar Alipayo bumabawi sa kanyang partner na si Andi Eigenmann matapos kumalat ang isyung may nakalandian siyang content creator sa Isla ng Siargao.

Sa gitna ng kontrobersiyang kumakalat ngayon sa pagitan ng pakikipaglandian umano ni Philmar Alipayo sa isang content creator na si Crissa Liaging, nagbahagi si Philmar Alipayo sa kanyang social media account ng larawan at video kasama ang kanyang future wife at partner na si Andi Eigenmann bilang pagsunod ng couple day trend.

Tila pinanindigan at ipinakita na ni Philmar Alipayo sa publiko at mga netizens ang kanyang pagmamahal para sa kanyang partner ngayon na si Andi Eigenmann matapos mabatikos dahil sa pagiging happy go lucky nito at sa pakikipaglandian umano sa ibang babae.

Sa Instagram stories ni Philmar, ibinahagi niya ang mga sweet photos nila ni Andi Eigenmann kung saan makikitang pareho silang nakangiti sa kamera para sumabay sa National Couples Day Trend.

Sa caption ng ibinahaging larawan ni Philmar Alipayo, tinawag niyang other half niya si Andi Eigenmann pahiwatig na talagang very happy siya sa relasyon nilang dalawa at para na rin pabulaanan ang isyung ibinabato sa kanya ng ilang mga netizens patungkol sa pakikipaglandian umano niya sa isang content creator at sa pakikipag-party kasama ang kanyang mga barkada.

Inirerepost rin ngayon ni Philmar ang mga social media posts ni Andi Eigenmann para ipakita na rin sa lahat na maayos silang dalawa.

Ayon naman sa ilang mga netizens na talagang bumabawi ngayon si Philmar Alipayo kay Andi Eigenmann dahil kaya todo pagpapakita ito ngayon sa kanyang pagmamahal para sa dating aktres.

Paraan na rin umano ito ngayon ni Philmar Alipayo na pabulaanan ang isyung pambababae niya at pagiging barkadista habang si Andi ay abala sa pag-aalaga sa kanilang mga anak.

Kobe Paras Proud Na Ibinandera Si Kyline Alcantara Sa Kanyang Social Media!

 Very proud na nag-flex ang basketball player na si Kobe Paras ng larawan ni Kyline Alcantara sa kanyang social media account indikasyon na mayroon nang namamagitan sa kanilang dalawa.

Opisyal nang isinapubliko ng basketball player na si Kobe Paras ang kanyang relasyon sa Kapuso actress na si Kyline Alcantara makalipas ang ilang linggo nang kumalat sa social media ang spekulasyon ng kanilang relasyon base sa kani-kanilang mga social media posts.

Sa kamakailang Instagram stories ni Kobe Paras, tila inamin niya ang pagkakaroon nila ni Kyline Alcantara nang irepost niya ang latest update ni Kyline Alcantara sa Instagram account nito, nilagyan pa niya ito ng white heart emoji. Indikasyon ng pagmamahalan nilang dalawa.

Kaagad  naman itong umani ng samu't-saring reaksyon at komento mula sa mga netizens, marami sa mga fans ni Kyline Alcantara ang sumuporta sa kanilang relasyon at masayang may ipinalit na si Kyline sa dating boyfriend na si Mavy Legaspi.

May mga nagsasabi pang talagang perfect ang pagpapalit ni Kyline Alcantara dahil mas pogi ang kanyang ipinalit kaysa sa kanyang naunang boyfriend. Pinupuri rin nila ngayon ang bagong couple dahil bagay na bagay umano ang dalawa.

May mga nagsasabi pang talagang nag-level up na si Kyline Alcantara dahil mula sa baby boy niyang boyfriend noon na si Mavy Legaspi ay ang kanyang ipinalit rito ay isang independent grown up man.

Matatandaan na kahit hindi naman inamin noon nina Mavy Legaspi at Kyline Alcantara ang kanilang relasyon ay makikita naman ito sa kanilang mga sweet moments ng magkasama subalit nauwi rin lang ito sa masalimoot na hiwalayan dahil umano sa pakikialam ng ina ni Mavy Legaspi na si Carmina Villaroel.

Chie Filomeno, Masaya Sa Uri Ng Relationship Nila Ni Jake Cuenca

 Nakapanayam ng ilang mga entertainment press at ilang mga vloggers ang actress na si Chie Felomino sa kamakailang launching nito bilang kauna-unahang celebrity endoser ng Skeencare na naganap sa Grand Hyatt Manila, Bonifacio Global City noong May 25, 2024.

Kabilang sa mga naitanong kay Chie Felomino ang patungkol sa relasyon nila ni Jake Cuenca.

Ayon kay Chie Felomino, very happy silang dalawa ni Jake Cuenca at masayang-masaya rin siya sa low-key relationship nilang dalawa.

Inilahad rin ni Chie Felomino na siya ang may gusto na gawing lowkey ang kanilang relasyon.

"We're happy, we're really happy, and keeping things low key. Syempre, first time ko rin sa.. siyempre we know na naman na he's already Jake Cuenca."

Ayon pa kay Chie Felomino, na hindi niya gustong makilala dahil lamang sa boyfriend niya si Jake Cuenta at isang insignificant other. Kaya naman masaya siyang nirespeto ni Jake Cuenca ang kanyang desisyon.

Dahil dito, naitanong kay Chie Felomino kung mayroon bang mga limitasyon ang kanilang relasyon sa pagbabahagi sa publiko.

Agad naming inilahad ni Chie Felomino na kahit alam na ng publiko ang patungkol sa kanilang romantic relationship ay nais umano nilang gawing pribado ang ilang mga bagay at detalye nito.

Inilahad rin ni Chie Felomino na ayaw niyang may mga nakikialam sa kanilang relasyon.

Sa ngayon ay talagang napakasaya umano niya dahil sa mga natatanggap niyang blessings at maganda rin ang relasyon niya sa kanyang pamilya at management.

Masayang-masaya rin umano siya sa kanyang lovelife, sa kanyang boyfriend na si Jake Cuenca.

Barbie Imperial Inamin Na Nasa Dating Stage Na Sila Ni Richard Gutierrez

 Kapamilya actress na si Barbie Imperial at Kapamilya actor na si Richard Gutierrez kumpirmadong nasa dating stage na ilang buwan matapos maiulat ang paghihiwalay nina Sarah Lahbati at Richard Gutierrez.

Kinumpirma mismo ng kilalang talent manager at showbiz insider na si Ogie Diaz sa kanyang showbiz oriented vlog sa YouTube na nasa dating stage na sina Barbie Imperial at Richard Gutierrez.

Tila hindi namaitatago pa ang namumuong pagmamahalan sa pagitan nina Richard Gutierrez at Barbie Imperial matapos isiwalat ni Ogie Diaz ang kanilang relasyon sa kamakailang episode ng kanyang showbiz updates vlog.

Matatandaan na kumalat sa social media ang ilang mga larawan nina Barbie Imperial at Richard Guitterez na kuha sa pagbabakasyon nila sa South Korea nitong nakaraan lamang.

Kung pagbabasihan ang mga kumakalat na larawan, makikitang tila nagkakamabutihan na talaga ang dalawa dahil sila lamang na dalawa ang nagbakasyon at nabuking lamang ito dahil sa isang fan na nag-upload ng kanilang larawan sa social media.

Isiniwalat naman ni Ogie Diaz na balak na muna nina Barbie Imperial at Richard Gutierrez na ilihim na muna ang kanilang relasyon, sa katunayan ay hiniling pa nila sa netizen na humingi ng picture nilang dalawa sa South Korea na huwag ikalat ang kanilang larawan.

Subalit hindi nakapagpigil ang nasabing netizen at inupload ito sa social media, bagama't binura rin niya ito ay huli na ang lahat dahil marami na ang nakakuha ng screenshots.

Ayon kay Ogie Diaz, tila nais na muna nina Barbie Imperial at Richard Gutierrez na gawing lowkey ang kanilang relasyon upang makaiwas sa intriga dahil ilang buwan pa lamang ang nakakalipas ng maghiwalay sina Sarah Lahbati at Richard Gutierrez.

Tila nais na protektahan ni Richard Gutierrez si Barbie Imperial na hindi malabong batikusin ng mga netizens at ituturong dahilan ng hiwalayan nila ng kanyang asawa na si Sarah Lahbati.

Sa kabilang banda, marami naman sa mga netizens ang nagtatanggol sa dalawa at sinabing baka mayroon naman silang mga kaibigan na kasama sa pagbabakasyon na hindi lamang napansin ng uploader dahil hindi kilala ang mga ito sa mundo ng showbiz.

Diwata Nagpapabayad Ng 1500 Para Lang Sa Selfie?

 Nagbigay ng pahayag ang  internet personality na si Diwata sa mga alegasyon na sinisingil na niya ang kanyang mga fans na gustong magpakuha ng picture kasama siya.

Makikita sa isang photo card na nagpapakita ng diumano'y quote mula kay Diwata kung saan nakasulat rito na gusto umano niyang singilin ang mga tao ng P1,500 sa bawat pagkakataon na nagpapaicture sila kasama siya dahil nasasayang lamang ang kanyang  oras na ginugugol niya upang ma-accommodate at mapagbigyan ang kanyang mga tagahanga.

“Puro pa picture hindi naman ako kikita sa inyo! Ito hah, naisip ko lang bawat magpapa picture sakin magbabayad na ng 1500 kada isang tao ng mapakinabangan ko naman pang-iistorbo n’yo!” mababasa sa post nito.

Umani ng iba't ibang reaksyon mula sa mga netizens ang post at nakakuha rin ito ng maraming mga negatibong komento laban kay Diwata dahil sa pagiging mayabang nito magmula nang maging matagumpay ang kanyang paresan business.

Sa kabilang banda, naglabas na ng paglilinaw si Diwata sa isang video kung saan iginiit niyang hindi siya nagpapabayad sa mga taong nanghihingi ng picture sa kanya.

Sinabi rin ni Diwata na ibang tao ang nagbahagi ng nasabing post na ginamit lamang ang kanyang pangalan. Ipinunto pa ni Diwata na hindi naman na niya kailangan pa na maningil sa mga tao dahil maayos naman ang kita ng kanyang business.

Sa isa pang video, sinabi ni Diwata na hindi niya naaaccommodate ang iba pa niyang mga tagahanga at ibang mga content creators dahil abala rin naman siya sa kanyang Negosyo.

Sa kabila ng paliwanag na ito ni Diwata, marami pa rin sa mga netizens ang bumabatikos kay Diwata dahil tila lumaki na ang ulo nito magmula nang makatanggap ng matinding pagsuporta mula sa mga netizens, bloggers at maging ng ilang mga celebrities.

Sapaw Na, It's Showtime Host Pinapapalitan

 Kaagad na nagbigay ng pahayag ang aktres-host na si Kim Chiu kung saan sinagot niya ang panglalait ng isang netizen sa kanyang pagiging host na noontime show na It's Showtime.

Hindi nag-atubili ang isang netizen sa panlalait at pang-ookray kay Kim Chiu sa pagiging host niya sa It's Showtime na ngayon ay umiire na rin sa GMA7, sa kabila ng malaking fan base ng aktres at sa dami ng mga tagasuporta nito.

Kamakailan lamang ay nagbahagi si Kim Chiu ng isang update sa kanyang Instagram account kung saan inilahad niya na papunta na siya sa kanyang hosting job sa It's Showtime.

Kaagad naman itong umani ng samu't-saring komento mula sa mga netizens lalo na ang mga tagahanga ng aktres na labis na itong namimiss sa It's Showtime matapos ang ilang araw ng pag-absent nito.

Subalit, sa gitna ng pagbubunyi ng maraming mga netizens patungkol sa pagbabalik ni Kim Chiu sa It's Showtime may isang netizen na nanglalait kay Kim Chiu at hayagang hiniling sa management na palitan na ito ng ibang mga host na mas magaling umano kaysa rito.

Hiniling din ng nasabing netizen na sana ay si Barbie Forteza ang ipalit kay Kim Chiu sa It's Showtime. Sinabi rin ng nasabing netizen na nakakainis ang pagtawa ni Kim Chiu at sumasapaw rin umano ito sa iba pang mga host ng It's Showtime.

Sa kabila nito, pinili pa rin ni Kim Chiu na sagutin ng mahinahon ang netizen, humingi pa siya ng paumanhin rito at sinabing tao lamang siya kaya siya nagkakamali.

Subalit, hindi pa rin tumigil ang nasabing netizen sa pang-ookray kay Kim Chiu at ipinunto pa nito na hindi naman kabilang si Kim Chiu sa mga main host ng It's Showtime.

Hindi naman ito sinang-ayunan ng mga fans ni Kim Chiu at pinagtutulungan na nila si Kim Chiu.