DDS Vlogger Inaresto Matapos Pagbantaan Si Pangulong Bongbong Marcos Sa Cebu

 Isang kontrobersyal na insidente ang gumulantang sa social media matapos maaresto ang isang kilalang DDS vlogger na si Mike Romero ng mga operatiba ng National Bureau of Investigation (NBI) dahil sa umano’y bantang ipinatungkol niya kay Pangulong Ferdinand "Bongbong" Marcos Jr. (BBM).

Ayon sa ulat, naglabas ng isang delikado at nakakabahalang post si Romero sa kanyang Facebook page, kung saan may inilagay siyang larawan ng Pangulo habang nasa isang pampublikong okasyon sa Bogo City Hall. Ang nasabing larawan ay may pulang arrow na nakatutok sa ulo ni BBM, at nilagyan pa niya ito ng caption na “headshot.” Dahil dito, kaagad na kumilos ang NBI para magsagawa ng hot pursuit operation na nagresulta sa pagkakaaresto ni Romero.

Si Mike Romero ay may mahigit 99,000 followers sa social media, at kadalasang nagpapalabas ng content na pumapabor sa kampo ng dating Pangulong Rodrigo Duterte, dahilan kung bakit siya tinawag ng ilan na “DDS vlogger.” Ngunit ang kanyang post na naglalaman ng graphic na pagbabanta sa buhay ng kasalukuyang Pangulo ay ikinabahala hindi lamang ng mga otoridad, kundi pati na rin ng publiko.

Ang NBI ay agad na nagtugma ng mga impormasyon at ginamit ang mga ebidensiya mula sa kanyang social media account upang agad siyang mahanap at madakip. Ang kanilang aksyon ay bahagi ng mas pinaigting na kampanya para maprotektahan ang seguridad ng mga opisyal ng gobyerno, lalo na ang pinakamataas na lider ng bansa.

Sa panayam kay Romero matapos ang kanyang pagkakaaresto, inilahad niyang sa una ay hindi siya naniwala na mga lehitimong ahente ng NBI ang humuli sa kanya. Ayon sa kanya:

“Actually, ‘di talaga ako naniwala [na] totoo ‘yung NBI. Kasi sa amin kasi sa Bisaya, hindi naiintindihan ‘yung word na ‘yun. Tapos nakita naman talaga du’n sa mga post na hindi ko naman talaga sariling post ‘yung mga picture,” paliwanag niya.

Sinubukan pa niyang i-justify ang kanyang post sa pagsasabing hindi naman daw siya mismo ang kumuha o gumawa ng larawan, at baka raw na-misinterpret lamang ng publiko ang nilalaman nito. Gayunpaman, naninindigan ang NBI na ang intent at epekto ng kanyang post ay malinaw na naglalagay sa panganib sa buhay ng Pangulo, bagay na hindi basta-basta pinalalagpas ng batas.

Bilang tugon, naglabas ng babala ang NBI sa lahat ng mga content creators, vloggers, at ordinaryong netizens na gumagamit ng social media. Ayon sa kanila, dapat ay maging responsable at maingat sa mga ipinopost online, lalo na kung ito ay may kinalaman sa mga pampublikong opisyal.

“Ang social media ay hindi ligtas na lugar para magbanta, manira, o magsaboy ng karahasan. Lahat ng bagay ay may hangganan, at may pananagutan sa batas,” saad ng NBI.

Ang pangyayaring ito ay nagsisilbing babala sa lahat na kahit sa digital na mundo, ang mga salita at larawan ay may kapangyarihang magdulot ng totoong epekto — at maaaring humantong sa legal na parusa.