‘Incognito’ Casts Dadayo Sa Tacloban, Patuloy Ang Pasabog Na Mga Eksena

 Muling naging tampok sa social media ang seryeng “Incognito” dahil sa mga makulay na eksena at karakter na patuloy na kinagigiliwan ng mga manonood.​

Sa Episode 68, tampok ang isang makulay na eksena kung saan nag-usap ang mag-amang sina Maris (Gab) at Joel (Philip) gamit ang tatlong wika: Ilonggo, Ingles, at Tagalog. Ang eksenang ito ay nagbigay ng bagong kulay sa serye at nagpakita ng husay ng mga aktor sa pagganap. Ayon sa isang tagasubaybay, “Ang sarap pakinggan ng linyahan nila kasi iba-ibang lengguwahe, hindi boring.”​

Sa mid-presscon ng serye, ibinahagi ni Maris ang kanyang kabang naramdaman bago ang eksena. Aminado siyang mahaba ang kanilang linya at kinakabahan siya sa harap ni Joel. Ngunit ayon sa kanya, tinulungan siya ni Joel upang maging komportable at maayos ang kanilang pagganap.​

Sa eksenang ito, ipinakita ni Joel (Philip) ang kanyang pagmamahal sa anak na si Maris (Gab) sa pamamagitan ng pagpapaliwanag na matagal na silang hiwalay ng ina nito at si Emmanuel/Shari na ang mahal niya ngayon. Ngunit hindi ito tinanggap ni Maris, na nagsabing pera lamang ang habol ng ama sa kanya. Dahil dito, pinamili ni Maris ang ama sa kanila ng stepmom niya at sinagot siya ng ama na hindi niya kayang wala siya, kaya’t lalong nagngitngit sa galit si Maris.​

Ayon sa isang tagasubaybay, “Normal reaction naman talaga ‘yung ganu’n kasi nga nag-iisang anak tapos may kahati sa pagmamahal ng tatay niya.”​

Upang masiguro ang loyalty ng stepmom sa tatay niya, pinasusubaybayan ni Maris ang stepmom sa Yoga session nito. Nabalitaan kasi niyang close sila ng instructor at kinakuntsaba si Anthony Jennings (Thomas) na mag-enroll upang hanapan ng ebidensiya na may naka-kabit na spy camera sa damit.​

Sa Episode 66, ipinakita ni Zaijian Jaranilla ang husay niya bilang batang rebelde na nauto at tinakot ng pangkat nina Gardo Versoza at pinangakuan ng power at pera. Ang kanyang pagganap ay muling nagpamalas ng kanyang talento at dedikasyon sa pag-arte.

Sa kasalukuyang episode, ang grupo ng “Incognito” ay nasa Japan upang hulihin at ibalik sa Pilipinas ang hired killer na si Lance Pimentel (Kenji Lee). Misteryoso naman kung sino ang kinita ni Ian Veneracion (Greg) na Misaki sa Episode 73 at nasambit nitong ‘nakauwi’ na siya at ‘maligayang pagbabalik’ naman ang sagot ng huli.​

Misteryoso sa lahat ng manonood ng “Incognito” at maging sa ‘kontraks’ kung sino at ano ang istorya ni Ian (Greg) dahil hindi ito nagkukuwento tungkol sa buhay niya maliban na dati siyang military.​

Sa nakaraang mid-presscon, tinanong si Ian tungkol sa karakter niya at inaming hindi rin niya alam dahil hindi pa ini-re-reveal sa kanya kung sino siya sa kuwento. Habang isinusulat namin ang balitang ito, nakabalik na ng Baguio ang grupo at may mga eksenang kukunan at saka dadayo ng Tacloban City dahil sa isang misyon.​

Nang ikuwento ito sa amin na patungo sila ng Tacloban, nasambit naming bayan ito ng nanay ni Daniel Padilla na si Karla Estrada at biro naming na baka makiki-kampanya kaya sina Daniel, Maris, Kaila Estrada, Ian, Anthony at Richard sa party list ng nanay ni DJ?​