Iloilo City Mayor Nakiusap Sa Mga Ilonggo Hinggil Sa Video Ni Euleen Castro

 Kamakailan, isang insidente ang nag-viral sa social media na kinasasangkutan ng kilalang content creator na si Euleen Castro, na mas kilala bilang "Pambansang Yobab." Sa isang TikTok video, ibinahagi ni Castro ang hindi magandang karanasan nila sa Coffeebreak Café sa Iloilo City, kung saan ayon sa kanya, hindi raw masarap ang kanilang mga inorder na pagkain at inumin, kabilang na ang lasagna at mga drinks. Dahil dito, maraming netizens, lalo na ang mga Ilonggo, ang nagbigay ng negatibong reaksyon at nagmungkahi pa ng pagpapataw ng "persona non grata" kay Castro.

Bilang tugon sa insidenteng ito, naglabas ng pahayag si Iloilo City Mayor Jerry P. Treñas na humihiling sa mga kababayan niyang Ilonggo na itigil na ang pag-share o pag-repost ng naturang video. Sa kanyang pahayag, sinabi niyang ang mga Ilonggo ay kilala sa kanilang pagpapahalaga sa respeto, malasakit, at suporta sa komunidad. Anya, ang mga content na nagdudulot ng negatibidad o gumagamit ng masakit na pananalita ay hindi kumakatawan sa tunay na pagkatao ng mga Ilonggo. Hinimok niya ang mga tao na maging responsable at magalang sa kanilang mga online na gawain.

"Mayor Jerry P. Treñas respectfully appeals to our fellow Ilonggos to stop sharing or reposting the video related to the recent incident at Coffeebreak. If you have already shared it, we kindly urge you to consider deleting the post."

"As Ilonggos, we take pride in our values of respect, compassion, and community support. Content that spreads negativity or uses hurtful language does not represent who we are as a people. Reposting the video only amplifies the harm and contributes nothing to the resolution of the issue."

"Let us choose to be responsible and respectful online citizens," aniya.

Samantala, wala pang opisyal na pahayag mula kay Castro hinggil sa insidenteng ito. Patuloy na makikita sa kanyang TikTok account ang orihinal na video, at hindi pa ito nabubura.

Ang insidenteng ito ay nagbigay-diin sa kahalagahan ng pagiging responsable at magalang sa paggamit ng social media. Habang may karapatan ang bawat isa na magpahayag ng kanilang opinyon, mahalaga ring isaalang-alang ang epekto ng ating mga salita at aksyon sa iba. Sa ganitong paraan, mapapalaganap natin ang kultura ng respeto at malasakit sa ating komunidad.