Paolo Contis, Ipinahayag Na Nais Nang Makasama Ang Anak Nila Ni LJ Reyes

 Ipinahayag ng Kapuso actor na si Paolo Contis na nais na niyang makasama ang anak nila ni LJ Reyes na si Summer.

Subalit, tila hindi pa ito pinapayagan ni LJ Reyes dahil ayon sa pahayag ni Paolo, hinihintay pa niya ang pagpayag ni LJ Reyes.

Ayon pa kay Paolo Contis, araw-araw niyang namimiss si Summer at palagi itong laman ng kanyang isipan.

Sakaling papayag na si LJ ay kaagad umano siyang pupunta sa Amerika upang makita at makapiling muli ang kanyang anak na mahigit dalawang taon na niyang hindi nakakasama at nakikita.

Wala na rin umanong pakialam si Paolo sa kanyang mga bashers na hindi naniniwalang nais niyang makitang muli ang anak at makasama. Dahil siya naman umano ang may alam sa buo niyang nararamdaman.

"They don't believe me, I don't care, but that's how I feel. I miss Summer every day, I really do. I have videos of her. I always watch [them] every time I wake up. I look at pictures all the time,” saad ni Paolo.

Hiling din ni Paolo Contis na magkakasundo na sila ni LJ Reyes upang regular na niyang makakasama si Summer.

“Kapag sabihin na natin napatawad ako at mas magaan na 'yung mga bagay bagay, I hope we can get to talk and kumbaga come to an agreement na makita ko si Summer and you know at least talk to her regularly.”

Gayunpaman, alam naman umano ni Paolo na matatagalan pa ang pagkakasundo nila ni LJ Reyes, subalit alam niyang dadating din iyon.

“Gusto ko na kung pumunta 'ko, merong approval kasi ayoko rin ng gulo, ayokong mabigla sila, ayokong maguluhan sila doon. I believe it takes time, I know her it will really take time, especially sa nangyari din sa amin hindi rin naman simple di ba, so naniniwala ako it will take time."

Si Lourna Jane Pujeda Reyes, na mas kilala bilang LJ Reyes, ay isang Pinay na aktres at paminsan-minsang modelo. Ipinanganak siya noong Disyembre 25, 1987 sa Quezon City. 

Kilala si LJ bilang kabilang sa mga nasa Final Four noong 2nd season ng GMA "StarStruck." She was one of the leading ladies in the TV series "Babangon Ako't Dudurugin Kita." Nanalo si LJ bilang Best Supporting Actress noong 2010 Cinemalaya film awards sa pelikulang "The Leaving."