Wilbert Tolentino, May Diretsahang Rebelasyon Sa Ugali Ng Isang Taong Hindi Pinangalanan!

May isiniwalat si Wilbert Tolentino tungkol sa isang tao na mahilig umanong magpa-victim sa social media.

Mainit na usap-usapan ngayon sa social media ang Facebook post ni Wilbert Tolentino tungkol sa isang tao na mahilig umanong magpa-victim at manggamit ng tao. Nagbabait-baitan lamang umano ito sa social media. Ginagamit din umano ng taong ito ang kanyang nakakaawang karanasan upang humakot ng views mula sa mga netizens.

"Ganun tlaga may mga tao tlaga na sobrang galing mag paikot ng tao sa social media at magaling mag pavictim na kaya nya gamitin ang sariling trahedya for views and popularity. Kaya nya mang hikayat ng iba para kampi nya kahit cya naman talaga may problema...bait baitan sa harap ng camera kht attitude in real life at higit sa lahat USER. Kaya gumising kayo."

Bagama't hindi pinangalanan, hinuha ng mga netizens na ang tinutukoy ni Wilbert Tolentino ay walang iba kundi si Zeinab Harake. Matatandaang, naging usap-usapan kamakailan na may nangyaring hindi pagkaka-unawaan sa pagitan nina Zeinab at Wilbert.

Nag-ugat ang usaping ito matapos ifli-nex ni Wilbert ang itinuturong naging third party sa hiwalayan nina Zeinab at Skusta na si Aira Mae Lipata.

Matatandaan din na kamakailan lamang ay nagpost si Zeinab sa kanyang Facebook account tungkol sa mga taong tumatraydor sa kanya. Hinuha tuloy ng mga netizens ngayon na konektado ang mga post nila sa social media.

Samantala, sumang-ayon naman ang ilang mga netizens sa sinabi ni Wilbert Tolentino. Napansin din umano nila na tila simula pa noon ay nagpapaawa lamang si Zeinab sa mga followers nito at tila ginagamit umano ang mga kabiguan at kaawa-awang sitwasyon umano nito.