Hindi Pa Tapos Ang Laban! Kakampink Vs. Bbm Supporters, Toni Gonzaga at Ang Shopee!

 

Ilang buwan na ang lumipas matapos ang eleksyon ngunit hindi pa rin natutuldukan ang pagkakahati-hati ng Pilipino sa usaping pulitika.

Pumutok ang balita na ang Shopee ay magbabawas ng mga empleyado sa Pilipinas matapos ang pagkalugi nito. 433.7 million dollars noong 2nd quarter ng 2021 at lumubo na nga sa 931.2 million dollars nitong 2nd quarter ng 2022. Nauna ng nangyari ito sa ibang bansa kagaya ng Singapore at China due to the same reason. Naglayoff rin ng empleyado ang Shopee sa India due to regulatory interventions by its government. 

Nagtrending agad ang Shopee sa mga social media platforms pero hindi dahil sa business move na ito kundi dahil sa pagkuha nila kay Toni Gonzaga bilang brand ambassador. Si Toni Gonzaga ay isang kilalang Marcos supporter. 

Inulan nga ng pagbabash at pagcancel ng mga tao sa Shopee dahil sa desisyong ito. Ini-ugnay naman ng iba na ang pagbabawas ng empleyado ay para lang maafford at makuha ang serbisyo ni Toni Gonzaga. 

Ang iba ay nagsimula ng iboyc0tt ang naturang app at in-uninstall ito. Isa na dito ang kilalang aktor at kakampink na si Jaime Fabregas na diumano'y nakahanap ng mas malalim na dahilan para i-uninstall ang kanyang Shopee app. 

Hindi na bago kay Toni Gonzaga ang cancel culture. Matatandaan na nabash rin ito matapos niyang interviewhin sa kanyang youtube vlog si PBBM noong September 13, 2021. Wala ng masabi si Toni pagdating sa bagong isyu na ito.

Very thankful si Toni sa mga netizens na nagpatrending sa Shopee. Nakatulong diumano ang mentions, tweets at rant para mas makilala ang Shopee app. 

Dinepensahan rin ng isang sikat na aktres na si Aiko Melendez ang isyu ni Toni G. 

Ayun naman kay "Ka-tunying" Anthony Taberna na kilalang BBM supporter, nagkakamali ang mga kakampink na ib0yc0tt ang shopee. Hindi lamang daw ang shopee management at si Toni G ang magsu-suffer sa pagcacancel ng mga netizens. Ang mga small business owners o sellers ng shopee at riders nito ay apektado rin.

May haka-haka rin na planong kunin ng Lazada si Andrew E as their brand ambassador.