Usap-usapan ngayon sa social media ang mga naging pahayag ng aktres na si Julia Barretto tungkol sa kanyang ama na si Dennis Padilla.
Inamin ng aktres sa isang panayam ang dahilan kung bakit hindi pa rin sila nag-uusap ng kanyang ama. Ayon kay Julia, hanggang ngayon ay may takot pa rin siyang nararamdaman.
"I'll be honest. We have not spoken and it's because there's just so much fear inside me."
Ayon pa kay Julia labis na pa siyang natatakot dahil pare-pareho lamang ang nangyayari, nagkakaayos sila at muli nanaman siyang masasaktan. Nais na rin umano ng aktres na makapagpahinga sa paulit-ulit na iyon.
Sa tanong naman kung napatawad na ba niya ang kanyang ama, sinabi ng aktres na hindi naman mahirap ang magpatawad, ang mas mahirap ay ang paglimot sa sakit na idinulot ng tao. Hindi naman umano ipagkakait ni Julia ang kapatawaran sa kanyang ama ngunit hindi pa siya handa ngayon.
Napapagod at natatakot na rin umano si Julia sa sakit na ibinibigay ng kanyang ama. Ang nais lang naman ni Julia ay more love ang protection mula sa kanyang ama ngunit hindi ito nangyari.
Inamin naman ni Julia na nagre-reach out sa kanila ang kanyang ama ngunit talagang hindi pa siya handa. Ayaw naman umano niyang pilitin ang kanyang sarili dahil hindi na siya magiging genuine kung ganoon.
Nasaktan din umano siya sa naging open letter ni Leon para sa ama. Nasasaktan umano siya para sa kanyang kapatid dahil naranasan na rin nito ang sakit na idinudulot ng kanilang ama.
Walang komento
Mag-post ng isang Komento
Share your opinion now!