Naging viral noon si Rita Gaviola na mas kilala sa tawag Badjao Girl matapos makunan ng isang larawan na agad na nagtrending sa social media.
Nakatawag pansin sa publiko ang angkin nitong kagandahan sa kabila ng kanyang simpleng kasuotan. Tumutulong si Rita sa kanyang mga magulang na kumita ng pera at sa kanyang pagsikat, unti-unting nagbago ang kanyang buhay.
Ilang beses din itong nakita sa telebisyon kabilang na ang pagiging isa sa mga housemates sa bahay ni Kuya. Nabigyan din ito ng opportunity na maging endorser ng ilang beauty products. Tinagurian din siya bilang isang beauty queen ng kanyang mga fans dahil sa kanyang pagkapanalo sa Sexy Babe isang segment ng It's Showtime.
Unti-unti niya ring naiahon sa kahirapan ang kanyang pamilya dahil sa sunod-sunod na opportunities na ipinagkaloob sa kanya. Naibahagi rin ni Rita na nais niyang maging teacher balang araw upang maturuan ang mga batang kapwa niya Badjao.
Matatandaang, kumalat ang isyu noon tungkol sa diumano'y pagbubuntis ni Rita dahil sa kumakalat na mga larawang may malaking pagbabago ng kanyang itsura. Pilit naman siyang pinapaamin ng mga netizens kung totoo nga bang nagdadalang tao siya.
Ngunit, ipinagdiinan niya na hindi siya buntis at may sinabihan pa siyang isang netizen na huwag makialam sa kanyang personal na buhay.
Kahapon, ginulat ni Badjao Girl ang mga netizen sa kanyang latest post sa social media. Makikita sa ibinahaging larawan nito ang tila family picture niya habang may karga siyang sanggol at may kasamang lalaki. Sa caption ng nasabing post sinabi ni Badjao Girl, "Sa mga nadissapoint or madami pang sasabihin saakin buhay ko yung tinatahak ko tska madami pa akong kayang gawin and maraming salamat po sa mga sumusuporta kasama na namin si baby kia sa susunod na mga vlog namin."
Humingi si Rita ng paumanhin sa ilang mga fans niya na nadisappoint sa kanya. Ibinabatid nito na makakasama na niya ang kanyang anak na pinangalanan niyang si Baby Kia sa kanilang mga future vlogs.
Sa nasabing post, nakumpirma na ang matagal ng hinala ng ilang mga netizens na nagdadalang tao nga si Rita noon. May ilang mga netizens naman ang hindi napigilang manghinayang sa kanya at sa kanyang mga pangarap na hindi na matutupad gaya na lamang sa pagsali sa Bb. Pilipinas. Napakabata pa umano nito para maging isang ina.
Samantala, hiling naman ng ilang mga netizens ang katuparan sa kanyang pangarap bilang ina sa kanyang anak.
Walang komento
Mag-post ng isang Komento
Share your opinion now!