Kathryn Bernardo, May Kasalanan Din Sa Hiwalayan Nila Ni Daniel Padilla

 Sa gitna ng mga natatanggap na negatibong komento at pambabatikos ng Kapamilya actor na si Daniel Padilla sa naging hiwalayan nila ng Kapamilya actress na si Kathryn Bernardo, tila may mga nagtatanggol naman sa aktor at iginiit na hindi lamang kasalanan nito ang nangyari sa kanilang relasyon.

Naglabas ng pahayag ang veteran showbiz columnist na si Lolit Solis kung saan inilabas niya ang kanyang saloobin patungkol sa naging hiwalayan ng celebrity couple na sina Daniel Padilla at Kathryn Bernardo.

Lalong-lalo na sa natatanggap na pambabatikos ngayon ni Daniel Padilla dahil siya ang sinisisi ng mga netizens sa nangyari sa relasyon nila ng aktres na si Kathryn Bernardo.

Naniniwala umano si Lolit Solis sa kasabihan na 'it takes two to tango' kaya naman hindi umano maaring ibunton na lamang kay Daniel Padilla ang lahat ng sisi sa nangyari sa 11 years nilang relasyon ni Kathryn Bernardo.

Ayon kay Lolit Solis, maaring si Daniel Padilla nga ang dahilan sa naging hiwalayan nila ni Kathryn Bernardo subalit, maari rin umanong na outgrow lamang nilang dalawa ang kanilang feelings sa isa't-isa. Dapat rin umano itong intindihin ng mga taong nakapaligid sa kanilang dalawa.

Ipinunto pa ni Manay Lolit Solis na dapat ang mga fans nina Kathryn Bernardo at Daniel Padilla ay may malawak na pang-unawa, na sana ay maisip rin nila na hindi lamang si Daniel Padilla ang may kasalanan sa kanilang paghihiwalay.

Hiniling din ni Lolit Solis na sana ay huwag namang hayaan ng mga fans ng KathNiel fans na masira ang showbiz career ni Daniel Padilla dahil lamang sa one sided story na hindi pa naman umano kimukumpirma ngayon ng dalawa.

View this post on Instagram

A post shared by Lolit Solis Official (@akosilolitsolis)

Vhong, Ogie, Ryan May Ibinuking Tungkol Kay Kim Chiu

 Pumatok kaagad ang vlog nina Vhong Navarro at Ogie Alcasid sa lumalabas sa YouTube sa katunayan, nakarating na umano sa kanila ang balitang maraming gustong maging guest nila.

Samantala, sa latest episode ng Let's Vhogie, prinank nila ang kanilang guest sa pamamagitan ng pagsasabing tapos na ang kanilang show, ito'y walang iba kundi ang kanilang co-hosts sa It's Showtime na si Ryan Bang.

Ibinahagi naman ni Ryan Bang, na nahuli siya ng MMDA dahil pinasok niya ang isang one way road.

Sa unang bahagi ng kanilang vlog ay pawang mga walang kwentang tanong muna ang binitawan nila para kay Ryan Bang. Katulad na lamang kung bakit umano nagpupumilit si Ryan Bang na maging guest sa kanilang show.

Subalit hindi ito diretsahang sinagot ni Ryan Bang, bagkus ay sinumbatan niya si Ogie Alcasid sa pakikilkigo sa condo niya pagkatapos ay nilait naman sa national TV ang shower niya.

Pabiro pang nanawagan si Ryan Bang sa ilang mga artista na huwag nang tumuloy sa pagiging guest sa show nina Vhong at Ogie Alcasid dahil ang usapan umano nila ay simpleng tanong lamang pero nagiging mahirap na para sa kanya ang lahat.

Kabilang pa sa mga naitanong nina Ogie at Vhong kung bakit magkaaway umano sila ni Kim Chiu at kung bakit hindi umano sila nagpapansinan sa It's Showtime.

Kaagad namang dumipensa si Ryan Bang kung saan ipinahayag niyang never silang nag-away ni Kim Chiu, subali habang ipinapahayag ito ni Ryan Bang ay panay tawa naman sina  Vhong at Ogie na tila ba hindi sila naniniwala sa sinasabi nito.

Dito na umamin si Ryan Bang na noong nagkaroon siya ng girlfriend nais muna sana niyang maging sekreto muna ang lahat para sa kanyang privacy pero nagulat na lamang umano siya dahil naikwento na ito ni Kim Chiu sa It's Showtime.

Subalit, naiintindihan naman umano ni Ryan Bang na natuwa lamang si Kim Chiu sa pagkakaroon na niya ng girlfriend dahil malapit sila sa isa't-isa.

Rendon Labador, Binatikos Ang PCSO Dahil Sa Pagpost Ng Edited Winner

 Binabatikos ng social media personality na si Rendon Labador ang PCSO dahil sa pagbabahagi umano ng mga ito ng isang edited photo sa nanalong lotto winner noong December 28, 2023 draw.

Tila hindi nagustuhan ng social media personality na si Rendon Labador ang ginawang hakbang ng PCSO sa pagbabahagi ng isang edited photo ng lotto winner, upang ipakita sa publiko na nakuha na nito ang kanyang napanalunan kalakip ang winning ticket.

Matatandaan na inanunsyo ng Philippines Charity Statistics Office noong December 28, 2023 na may nanalo na sa 6/42 draw nila. Ayon sa kanilang naging pahayag, isang PCSO bettor mula sa San Jose Bulacan ang maswerteng nanalo sa 6/42 Draw ng mahigit 40- million pesos.

Kalakip ng nito ang ang larawan ng nanalo habang hawak nito ang tseke ng kanyang napanalunan at ang larawan ng kanyang winning ticket upang ipakita sa publiko na totoong nanalo ang nasabing tao.

Subalit, marami sa mga netizens ang nakapansin na tila edited umano ang nasabing litrato dahil kapansin-pansin umano ang pagkakaiba sa texture at lighting ng larawan. Kapansin-pansin rin ang pagkakaiba sa katawan ng nasabing winner.

Samantala, may mga nagsasabi naman na baka sinadya umano ng PCSO na i-edit ang picture ng nanalo upang maprotektahan ang pagkakakilanlan nito lalo nat, malaking pera ang involved.

Hindi naman ito matanggap ni Rendon Labador kaya naman nagpost siya ng video sa kanyang Instagram stories kung saan binatikos niya ang PCSO sa pagbabahagi sa nasabing litrato.

Pakiramdam ni Rendon Labador na ginagawang tanga ng PCSO ang mga tao sa bansa dahil niloloko na lamang umano nila ito. Bukod pa rito, nanawagan rin si Rendon Labador sa lahat ng mga senador at kongresista na wala umanong ginagawa na tingnan ang PCSO dahil tila ginagawa na lamang nilang negosyo ang taong bayan.

Inamin naman ito ng PCSO General Manager sa senate hearing, sinabi niyang poorly edited ang nasabing photo subalit iginiit niyang totoong tao ang winner. Inilahad pa niyang pinuprotektahan lamang nila ang pagkakakilanlan ng mga winners.

@nickonoctavio #pcso #rendonlabador #rendon #fy #fyp #foryo #for #fyou #forypage #foryourpage #forypage #fyoupage #tiktokph #tiktokphilippines #fpy #f #fypシ゚viral #trending #fp #fpyシ #y ♬ original sound - Nicko Noctavio

Xian Lim Napikon, Ayaw Banggitin Ang Pangalan Ni Kim Chiu

 Hindi pa rin natitigil ang pambabatikos ng mga netizens sa dalawang aktor na kamakailan lamang ay nahiwalay sa kanilang mga longtime relationship. Isa na rito ang Kapamilya actor na si Daniel Padilla na kamakailan lamang ay nahiwalay sa kanyang longtime girlfriend na si Kathryn Bernardo.

Marami sa mga netizens ang nanggagalaiti sa aktor dahil sa pagiging pretentious nito pagdating sa pagiging conservative subalit kasalungat naman nito ang mga naglabasang isyu ngayon patungkol sa aktor at mga babaeng kinakalantari nito habang karelasyon pa niya ang aktres na si Kathryn Bernardo.

Ang isa pang aktor na nakakatanggap ngayon ng pambabatikos sa social media ay walang iba kundi ang Kapuso actor na si Xian Lim. Kamakailan lamang ay inamin na rin nina Kim Chiu at Xian Lim ang kanilang paghihiwalay.

Bagama't walang sinabing dahilan si Kim Chiu sa naging dahilan ng kanilang break up, marami pa rin ang naniniwala na nangyari ito dahil sa kapabayaan ni Xian Lim.

Marami rin kasi ang naiinis kay Xiam Lim dahil palagi umanong playing safe ang sagot nito sa tuwing natatanong patungkol sa dahilan ng hiwalayan nila ni Kim Chiu.

Palaging sagot na lamang ni Xian Lim ay ang paniniwala niyang may dahilan ang diyos kaya hinayaan nito na magkahiwalay silang dalawa.

Maarami rin ang nayayabangan sa aktor dahil sa pagiging unbothered umano nito sa pagtatapat ng mga teleserye nila ni Kim Chiu sa telebisyon sa magkaparehong timeslot, ito'y sa kabila ng mga pahayag ng ilang netizens na hindi nila susuportahan ang teleserye ni Xian Lim.

Pinag-initan rin ng mga netizens ang naka-off comment ni Xian Lim sa kanyang Instagram account, ayon sa mga ito, kung totoong unbothered si Xian Lim sa mga pambabatikos sa kanya bakit umiiwas itong makabasa ng mga komento ng fans ni Kim Chiu.

May mga pumuna rin sa pamimili ni Xian Lim ng mga sasaguting press sa tuwing mayroon siya press conference tila lumaki umano ang ulo nito gayung hindi naman siya kagalingan pagdating sa pag-arte.

View this post on Instagram

A post shared by Alexander Xian Lim Uy (@xianlimm)

Enrique Gil Muling Bumalik Sa Abs Cbn Compound Makalipas Ang Ilang Taon!

 Dumaan sa ABS-CBN compound ang aktor na si Enrique Gil nitong araw kasama ang kanyang manager na si Ranvel Rufino para i-promote ang nalalapit na pagpapalabas sa kanyang comeback movie na I Am Not Big Bird.

Kaagad namang pinag-usapan ng mga LizQuen fan ang ibinahaging larawan ni Enrique Gil sa poster nilang dalawa ni Liza Soberano noong nasa Kapamilya network pa lamang ang actress.

Matatandaan na hindi inalis ng ABS-CBN management ang poster nina Enrique Gil at Liza Soberano sa hallway ng ABS-CBN compound kahit matagal nang nabuwag ang kanilang loveteam mula ng talikuran ni Liza Soberano ang nasabing network dahil sa malaking naiambag ng dalawa sa ABS-CBN.

Sa kabilang banda, marami naman sa mga LizQuen fans ang nakampante sa kasalukuyang estado ng relasyon ng dalawa, matatandaan na kumakalat na rin ang isyung matagal na ring naghiwalay ang mga ito.

Mula nang umalis si Liza Soberano sa management ni Ogie Diaz at ng Star Magic, hindi na nawala ang isyung naghiwalay na rin sila ni Enrique Gil lalo na't hindi na sila nagbabahagi ng mga larawan na magkasama.

Bukod pa rito, hindi na rin sila namamataan pang magkasama sa mga special events at mga occasions, subalit dahil sa ibinahaging larawan ni Enrique Gil marami ang naghinalang maayos naman ang kanilang relasyon.

Samantala, marami naman sa mga fans ni Enrique Gil ang excited na muling mapanood ang kanilang idolo sa isang pelikula matapos ang ilang taong pamamahinga nito sa showbiz industry.

Inaasahan naman na magpopromote si Enrique Gil sa kanyang pelikula sa ilang mga Kapamilya shows kabilang na ang It's Showtime, at ang matagal na naging tahanan ni Enrique Gil na ASAP Natin 'To.

Jillian Ward, Engaged Na Sa Taga Navotas

 Isa si Jillian Ward sa mga hinahangaan ngayong artista sa mundo showbiz dahil bukod sa pagiging magaling nito sa kanyang pag-arte, hinahangaan rin ng marami ang taglay niyang kagandahan.

Sa katunayan marami ang nagsasabi na si Jillian Ward ang susunod sa yapak ni Marian Rivera bilang Kapuso Primetime Queen.

Sa kabilang banda, kinaaliwan naman online ang viral video ngayon ng aktres kung saan mapapanood ang marriage proposal sa kanya ng isang lalaki na taga-Navotas.

Kahapon lamang, sa naganap na Navotas Day kung saan nakisaya ang aktres na si Jillian Ward. Habang nasa parada, nadaanan nila ang isang grupo ng kalalakihan. Tulong-tulong naman ang grupo na binuhat ang isa sa kanilang kasamahan para maabot ang kamay ng dalaga para maisagawa ang pinaplano nilang wedding proposal.

Game naman si Jillian Ward na pinagbigyan ang mga ito, hinayaan niyang isuot sa kanyang daliri ang isang metal gasket na ginamit ng mga ito bilang singsing para sa pagprpropose.

Tuwang-tuwa naman ang lalaki na pinagbigyan ng aktres ang kanyang wedding proposal, makikita rin naman sa mukha ni Jillian na hindi naman siya na offend sa ginawa ng lalaki bagkus ay nakangiti pa niya itong ipinakita sa kamera.

Naghatid naman ng katuwaan ang nasabing video at umani ng mga komento mula sa mga netizens.

May mga nagsasabi na tila ito na ang naging katapat sa nagviral na 299 pesos na engagement ring. May mga humanga pa sa aktres sa paraan nito para mapasaya ang kanyang mga tagahanga.

Marami rin ang natatawa dahil talagang may kalawang pa na metal gasket ang ginamit ng lalaki.

@mc_boytik #navotascity #batangplanta🤘👍 #jillianward #willyoumarryme #singsingchallenge #bakal #tiktoktrend ♬ original sound - MCboytik

May Nagsalita Na, Tungkol Sa Pagbubuntis Ni Ruffa Gutierrez!

 Kumakalat ngayon sa social media ang bali-balitang nagdadalang tao ang aktres na si Ruffa Gutierrez at ang itinuturong ama ng anak nito ay walang iba kundi ang rumored boyfriend nito na Herbert Bautista.

Matagal nang naging usap-usapan sa social media ang pagkakaroon ng relasyon ni Ruffa Gutierrez at Herbert Bautista. Matatandaan na sa isang panayam, naitanong kay Herbert Bautista ang patungkol sa estado ng kanyang lovelife.

Nakangiti naman itong tinugon ni Herbert Bautista, na masaya naman siya sa punto ng kanyang lovelife. Hindi naman umano ito masyadong seryoso pero may pagkaseryoso din umano at the same time. Ang nakakaganda umano nito ay ang pagkakaroon niya ng inspiration at motivation.

Kung babalikan, noong Christmas celebration ng mga Gutierrez noong taong 2021 ay kasama nila si Herbert Bautista, mula noon ay iniintriga nang mayroong sekretong relasyon sa pagitan nilang dalawa.

Sa ngayon ay kumakalat naman ang mga tsikang nagbubuntis na si Ruffa Gutierrez sa dating Quezon City Mayor na si Herbert Bautista. Samantala sa kamakailang episode ng Cristy Ferminute nitong January 17, 2024 tinalakay ng showbiz columnist ang nasabing isyu.

Ayon kay Cristy Fermin, hini-headline umano ng mga vloggers ang balitang nagbubuntis si Ruffa Gutierrez sa kabila ng pananahimik ng aktres sa isyu.

Dagdag naman ni Romel Chika na may mga naglabasan pang mga chika ngayon na umanong nagka-miscarriage si Ruffa Gutierrez.

Samantala, para tuluyan nang matuldukan ang isyu patungkol kay Ruffa Gutierrez, tahasang inilahad ni Cristy Fermin na walang katuturan ang isyu at pawang mga fake news lamang.

Ayon pa kay Cristy Fermin, na hangga't wala pang pormal na pag-amin kay Ruffa Gutierrez ay huwag munang maniwala sa mga usap-usapan na kumakalat mula sa social media.

Iginiit pa nila na hindi naman maaring pagbasehan ng pagbubuntis isyu ang nakikitang pagsasama nina Ruffa Gutierrez at Herbert Bautista hanggang wala pang pag-amin mula sa dalawa.

Ian Veneracion Nabatikos, Pinalitan Dahil Sa Laki Ng Hinihinging Talent Fee Para Sa Isang Event!

Marami ang nagulat sa rebelasyon ng dating director at writer na si Ronaldo Carballo na ibinahagi niya sa kanyang Facebook account patungkol sa beteranong aktor na si Ian Veneracion.

Ayon sa naging Facebook post ni Ronaldo Carballo, inimbitahan nila si Ian Veneracion sa isang event para sa last sunday ng January sa Tarlac Festival. Subalit ayon sa road manager ni Ian Veneracion, 500 hundred thousand pesos ang kailangang ibayad kay Ian Veneracion habang nasa parada ito at kung lalagpas sa dalawang oras ang appearance ng aktor ay kailangan nilang dagdagan ang bayad ng 100 thousand kada oras.

Sa puntong ito, tila hindi kaya ng community ng Tarlac Festival ang demand ni Ian Veneracion kaya naman maghahanap na lamang sila ng ibang aktor na ipapalit kay Ian Veneracion para sa Tarlac Festival.

Ayon pa sa pagdedetalye ni Ronaldo, sasakay lamang sa float si Ian Veneracion at kakaway-kaway lamang siya roon hindi siya kakanta subalit ang sinabing presyo sa kanila ng road manager ay 500 000 pesos para sa dalawang oras lamang at kapag lalampas sila ay magbabayad na sila ng additional 100 000 pesos kada oras.

Bukod pa rito, nagrequest pa umano ang aktor na kapag may ibang artista na kasama sa parade dapat ay nakabukod sa kanya ng float dahil ayaw ng aktor na may makasamang kung sino-sino sa kanyang float.

Dagdag pa ng road manager ng aktor na dapat may pambayad talaga ang producer dahil upon contract signing, hihingi na sila ng 50% downpayment at bago sumampa sa float si Ian Veneracion, dapat ay fully paid na ito.

Handa naman umanong magbayad ang pamunuan ng Tarlac Festival sa 500 000 pesos na demand ni Ian Veneracion kahit napakamahal na nito, subalit ang hindi nila nagustuhan ay ang additional 100 000 pesos na hinihiling nito kapag lumampas sa dalawang oras ang appearance nito.

Sa huli ay pumayag na umano si Ian Veneracion sa 500 000 pesos talent fee hanggang matapos ang parade subalit tumanggi na ang talent coordinator dahil kinukontak na rin nila si Piolo Pascual bilang kapalit nito.

Marami naman ang hindi makapaniwala sa pagdedemand ni Ian Veneracion at pinaghinalaan pang ang road manager na lamang nito ang nagdi-demand. Subalit, sa kasunod na mga post sa social media tila pinatunayan ni Ronaldo na si Ian talaga ang nagdedemand hindi ang kanyang road manager.

Samantala narito naman ang komento ng ilang mga netizens hinggil sa talent fee ni Ian Veneracion.

"OA ang demand na TF. Matakot kana lapitan si Ian ahahahha.

Linawin din dapat ang scope ng work and duration before agreeing to the TF offered. Bargaining is always open until not sealed"

Tunay Na Dahilan Bakit Binenta Ni Daniel Padilla Ang House and Lot

Ibinulgar ng sikat na showbiz insider at talent manager na si Ogie Diaz sa episode ng kanyang showbiz oriented vlog sa kanyang YouTube channel ang dahilan kung bakit ibinibenta na nina Karla Estrada ang kanilang bahay sa Quezon City.

Ayon sa nakarating kay Ogie Diaz, matagal na umanong gustong ibenta ni Karla Estrada ang nasabing property dahil gusto nitong lumipat somewhere south.

Buong pahayag ni Ogie Diaz, "Iisipin ng mga tao, saan naman sila titira? Naghihirap na ba ang pamilya ni Daniel Padilla kaya nagbebenta ng bahay? My goodness, alam niyo ang importante, may ibebenta."

Dagdag pa ni Ogie Diaz, "Ang alam ko kasi, parang gusto ni Karla ibenta na talaga ang bahay. Kasi gusto nang lumipat ni Karla sa bandang south."

Marami naman ang naghinala na nais na umanong magsimula ng panibago ang pamilya ni Daniel Padilla matapos ang natanggap nilang pambabatikos mula noong 2022 National Elections Election campaign at ang naging hiwalayan nina Kathryn Bernardo at Daniel Padilla na kamakailan lamang naganap.

May mga naghinala pa na tila nais na umanong kalimutan ng pamilya ang nakaraan lalo na ang parte ni Kathryn Bernardo na nakasama rin nila sa kanilang buhay sa loob ng 11 years.

Si Daniel John Elago Ford ay ipinanganak noong April 26, 1995. Kilala siya sa showbiz bilang si Daniel Padilla, isang Filipino artist at singer. Kinilala si Daniel Padilla bilang isa sa mga pinakakilalang batang aktor sa Pilipinas.

Siya ay tumatanggap ng maraming parangal sa telebisyon, pelikula, at musika, kabilang ang FAMAS Award para sa Best Actor at PMPC Star Award para sa Movie Actor of the Year, pati na rin ang tatlong nominasyon ng World Music Awards.

Kilala rin si Daniel Padilla sa showbiz bilang conservative boyfriend noon ni Kathryn Bernardo dahil sa pagiging istrikto nito sa pananamit ng aktres. Subalit ikinagulat ng lahat ng lumabas ang mga balitang kaya naghiwalay ang dalawa dahil sa pambabae ng aktor.

Karamihan pa sa mga naging babae nito ay mga kakilala lamang ni Kathryn Bernardo.

Abs Cbn Bibitawan, Daniel Padilla Kanselado Ang Apat Na Endorsement!

 Tila nagsisimula nang mangyari ang pinapangambahan noon ng mga fans ng aktor na si Daniel Padilla na maapektuhan ang kanyang showbiz career dahil sa paghihiwalay nila ni Kathryn Bernardo.

Sa isang episode ng Marisol Academy, isiniwalat ng isang host ang tsikang nasagap mula sa kanyang source na may apat na endorsement umano na para sana kina Daniel Padilla at Kathryn Bernardo ang nagbago ang isip at tanging kay Kathryn Bernardo na lamang ibinigay ang sho, inalis na ang aktor.

Matatandaan na noong November 30, 2023, ginulat nina Kathryn Bernardo at Daniel Padilla ang lahat ng mga KathNiel fans nang kumpirmahin nilang pareho ang kanilang paghihiwalay na ilang linggo na rin laman ng usap-usapan noon.

Hindi man nila isiniwalat ang totoong dahilan ng kanilang paghihiwalay subalit marami ang naghinala na ang aktor ang may kasalanan sa nangyari sa kanilang relasyon. Noon pa mang hindi pa nila inamin ang kanilang paghihiwalay, marami nang naglabasang isyu ng pambababae ng aktor.

Noong una ay hindi pa ito pinaniniwalaan ng ilang mga KathNiel fans dahil hindi naman lingid sa kaalaman ng lahat kung paano ipanapakita ni Daniel Padilla ang pagiging strikto kay Kathryn Bernardo lalo na sa pananamit ng aktres.

Subalit, nang hayagan nang i-unfollow ng aktres ang aktor, dito na nakumbinsi ang mga netizens na may kasalanan talaga ang aktor sa aktres na naging dahilan ng kanilang paghihiwalay.

Bukod pa rito, marami na rin isyung naglalabasan patungkol sa mga naging babae ni Daniel Padilla na ngayon lamang naging malinaw sa lahat.

Sa kabila naman sa pagkakamali ni Daniel Padilla noon, marami naman ang nagsasabi na sana ay huwag namang hayaan ng mga basher ng aktor na maging ang trabaho ng aktor sa showbiz at maapektuhan.

Samantala, nananatili namang tikom ang bibig ni Kathryn Bernardo at Daniel Padilla hinggil sa nasabing isyu, tila hinahayaan na lamang ng dalawa na isipin ng mga netizens ang gusto nilang isipin sa nangyari sa kanilang 11 years relationship.

Unang House Ni Daniel Padilla Na Naipundar for Sale, Halaga Nito Masyadong Mahal!

 Matapos lumabas ang balitang ibinibenta ni Daniel Padilla ang kanyang kauna-unahang sportscar lumabas naman ang balitang ibinibenta na rin nito ang kanyang bahay sa Fairview, Quezon.

Makikita naman sa ibinahaging post ang detalye ng sinasabing bahay ni Daniel Padilla. Ang lot area nito ay nasa 500 square meter, ang bahay ay two storey na may 6 bedrooms, 6 bathrooms at may 5-6 car garage.

May malaki rin umano itong living area, dining area, main kitchen, porch, lanai, grand staircase. Ang master bedroom ay may walk in closet, breakfast nook, auxiliary Kitchen, laundry and service area, electric room, storage room, balcony, mayroon din itong maid and driver's rooms.

Ang asking price naman ng bahay ay nasa 50 million pesos. Nakasaad rin sa nasabing post kung sino ang dapat kausapin ng mga taong interesado na makita ang buong bahay.

Sa sunod-sunod na pagbibenta ni Daniel Padilla sa kanyang mga ari-arian na naipundar niya mula nang maging magkasintahan sila ni Kathryn Bernardo, marami ang napapatanong kung naghihirap na nga ba ngayon ang aktor?

Samantala, may mga nagsasabi naman na baka parte ng pagmomove on ni Daniel Padilla ang ginawa nitong desisyon ngayon na bitawan ang mga bagay na nakakapagpaalala sa kanya sa nagdaang relasyon nila ni Kathryn Bernardo.

Ayon naman sa komento ng ilang mga netizens, na hindi maganda ang location ng bahay nina Daniel Padilla dahil matrapik umano sa Fairview. May mga nagsasabi pa ng masyado lamang malaki ang presyo ng nasabing property.

May mga naghinala naman na baka bibili ng panibagong property sina Daniel Padilla kung saan makakapagsimula siya ng panibagong buhay lalo na ngayong wala na sila ni Kathryn Bernardo.

View this post on Instagram

A post shared by Best Deal Property PH (@best_deal_property_ph)

Dimples Romana Binuking Hitsura, Sitwasyon Ni Angel Locsin, Magbabalik Na Siya?

 Ginulat ng aktres na si Angel Locsin ang mga netizens nang bigla na lamang siyang manahimik sa social media at hindi na rin nagpapakita sa publiko mahigit isang taon na ang nakakalipas.

Dahil sa matagal nang pananahimik ng aktres, naglabasan ang mga isyu kabilang na ang pagkakaroon ng marital problem nina Angel Locsin at asawa nitong si Niel Arce, may mga naglabasan pang isyu na umano'y may kinakaharap na isyung pangkalusugan si Angel Locsin.

Subalit ang lahat ng ito ay pinabulaanan ng aktres na si Dimples Romana na hanggang ngayon ay nakikita pa rin ang aktres sa personal sa kabila ng tila pagtatago nito sa lahat.

Marami sa ilang mga showbiz personalities ang nasasabik na makasama si Angel Locsin subalit tila naiiba naman Dimples dahil hindi naputol ang kanilang ugnayan ni Angel Locsin.

Ayon umano kay Dimples Romana, mas madalas na niyang nakakasama ngayon si Angel Locsin at nakaka-bonding kasama ng kanyang anak. Natutunan rin umano ni Dimples mula kay Angel Locsin na hindi lahat ng mga magagandang bagay na nangyayari sa buhay ay kailangang ipost sa social media.

Iginiit rin ni Dimples Romana na maayos naman ang kalagayan ngayon ni Angel Locsin at masaya ito sa kanyang buhay. Hindi na rin umano hinahawakan ni Angel Locsin ang kanyang cellphone bukod sa mga importanteng tawag, hindi na rin umano ito nagrereply sa mga chats ng iba dahil kinailangan umano nitong i-detoxify ang sarili sa social media.

Bilib din umano si Dimples kay Angel Locsin dahil sa pagpapakita sa kanya sa katotohanang pwede pa rin namang masaya ng hindi na isinisiwalat pa online.

Ayon pa kay Dimples Romana ay hindi na naglalabas ng bahay si Angel Locsin pero maayos naman ang kalusugan nito. Nakakabonding at nakakakulitan pa umano niya ito, nakakasama rin nilang kumain ng mga bata.

Natuto rin umano siya kay Angel Locsin, kaya naman ngayon ay hindi na gaano niya ibinabahagi sa social media ang personal na kaganapan sa kanilang pamilya.

Masaya din siya dahil nakikita niyang positibo ang naging epekto kay Angel Locsin sa paglayo nito sa social media at sa mata ng publiko na palaging nakabantay sa kanila sa showbiz.

Iniiwasan na rin umano nilang mapag-usapan ngayon ang showbiz industry at tanging personal na buhay na lamang ang laman ng kanilang mga usapan.

Sa mga isiniwalat ni Dimples, mahihinuhang wala nang balak pa si Angel Locsin na bumalik sa magulong mundo sa showbiz dahil kuntento na ito sa buhay niya ngayon na malayo sa panghuhusga at negativity ng ilang mga tao sa social media at sa showbiz.

Xian Lim Dedma Sa Pasabog Sa Kanya Ni Kim Chiu, Sinagot Na Ang Pasaring ni Kim

 Unbothered ang Kapuso aktor na si Xian Lim sa kumakalat na isyu patungkol sa isyu sa pagtatapat ng kanilang mga teleserye ng kanyang dating karelasyon na si Kim Chiu.

Nauna na nang nagpremiere ang teleserye nina Xian Lim at Jennylyn Mercado na pinamagatang Love. Die. Repeat nitong lunes. Subalit magsisimula na umano ang kompetisyon sa darating na lunes January 22, dahil makakatapat na nila ang teleseryeng pinagbibidahan naman nina Kim Chiu, Paulo Avelino, JM De Guzman sa Abs-cbn na Linlang.

Marami naman sa mga dating fans ng tambalang  KimXi na galit ngayon sa aktor dahil sa nangyaring hiwalayan nila, ang nagbabanta na ibo-boycott nila ang teleseryeng pinangungunahan ngayon ng aktor.

Nangangamba naman ngayon ang mga tagahanga ng Kapuso actress na si Jennylyn Mercado dahil baka maapektuhan umano ng kanegahan ng career ni Xian Lim ang comeback teleserye ng aktres matapos ang ilang pananahimik nito sa showbiz matapos manganak.

Sa kabilang banda, may ilang mga fans pa rin naman ng KimXi na nanatiling neutral sa hiwalayan nilang dalawa ang nagsasabi na maghahanap sila ng paraan para parehong masuportahan ang mga teleserye ng mga ito.

Samantala, hindi naman lingid sa kaalaaman ni Xian Lim na marami sa mga fans nila ni Kim Chiu ang nagagalit ngayon sa kanya dahil sa nangyari subalit, patuloy pa rin siya sa kanyang pagtatrabaho at dinidedma na lamang ang lahat ng mga natatanggap niyang pambabatikos mula sa mga ito.

Sa ngayon ay abala ang aktor dahil may ginagawa siyang pelikula kasama si Sanya Lopez na pinamagatang Playtime. Ang pelikulang ito ay collaboration ng GMA Pictures at Viva Film.

May sagot rin si Xian Lim sa mga nagsasabing nababaduyan sila sa acting skills nito. Ayon kay Xian Lim, na matagal na niyang tinanggap sa kanyang sarili na hindi niya maaring iplease ang lahat ng mga manonood.

Sa bandang huli nagbigay pa ng mensahe si Xian Lim sa lahat ng kanyang mga bashers, hindi umano alam ng mga ito ang kanyang personal phone numbers kaya naman hindi siya macomfront ng mga ito, Hindi rin umano siya nabo-bother dahil wala naman siyang pakialam sa mga ito.

Daniel Padilla Na Pressure Sa Pag Bawi Ni Kathryn Bernardo Sa Kanilang Mga Ari-Arian

 Naging mainit na usapin sa social media ang pagpunta ni Daniel Padilla sa ibang bansa nitong nakaraang linggo matapos itong makunan ng video ng isang netizens na inupload naman nito sa social media.

Ayon sa uploader, papunta umano ang aktor sa bansang Dubai.

Ilang araw matapos ang pag-alis ni Daniel Padilla sa bansa, kumalat naman online ang mga post kung saan ibinebenta na ni Daniel Padilla ang isa sa kanyang sportscar na Chevrolet Corvette Stringray C7 na siyang kauna-unahan niyang sportscar.

Kaagad namang kumalat ang balitang, hindi lamang pera ni Daniel Padilla ang ipinambili nila sa nasabing sportscar kundi pera rin ni Kathryn Bernardo. Ayon pa sa mga usap-usapan, binibenta na umano ang nasabing kotse dahil nagbawian na ang dalawa sa kani-kanilang mga ari-arian.

Bukod pa rito, pinaghihinalaan din ng mga netizens na bukod sa pagbibenta ng mga ari-arian, nagpunta sa ibang bansa ang aktor upang makaiwas sa mga isyu na patuloy na binabato sa kanya ngayon.

Matatandaan na mula nang i-unfollow ni Kathryn Bernardo si Daniel Padilla sa kanyang Instagram account at naging sunod-sunod na ang mga cryptic post ng kapatid ni Kathryn Bernardo, naglabasan na ang mga pangalan ng mga naging babae umano ng aktor habang karelasyon pa niya si Kathryn.

Samantala, ayon naman sa aming nakalap na impormasyon, hindi na umano nakakalapit si Daniel Padilla kay Kathryn Bernardo sa bahay ng aktres dahil hindi na umano siya nito kinakausap sa tuwing pinupuntahan niya ito at sa tuwing walang kamera na nakatutok sa kanilang dalawa.

Kaya naman sa tuwing may mga special gathering ay doon nilalapitan ni Daniel Padilla si Kathryn Bernardo dahil alam niyang hindi magpapakita ang aktres ng masamang ugali at magiging civil ito sa kanya dahil may ibang makakakita.

Hindi rin umano nakatulong ang mga kaibigan at kapatid ni Kathryn Bernardo dahil hindi na nila pinapansin si Daniel Padilla at iniiwas na nila sa aktor. Ang tanging nakakausap na lamang umano ni Daniel ay ang ina ni Kathryn Bernardo na si Mommy Min.

Sa ngayon ay nakakatanggap ng matinding dagok sa kanyang showbiz career ang aktor dahil marami sa kanilang mga fans noon ni Kathryn Bernardo ang tuluyan nang tumalikod sa kanya.

Ito marahil ang dahilan kaya mas pinili ng aktor ngayon na lumayo na lamang upang makaiwas sa stress at pressure dahil sa nangyari sa kanila ni Kathryn Bernardo.

Sikat Na Kapamilya Actress Humingi Ng Kapatawaran Sa Lahat Ng Kanyang Pagkakamali

 Nagbalik-loob sa panginoong Diyos ang isang sikat na aktres matapos makatanggap ng matinding pambabatikos mula sa mga netizens nang maparatangan siyang third party sa hiwalayan kamakailan ng isang sikat na celebrity couple.

Matapos ang pagsali sa isang religious group ng aktres, pinayuhan umano siya ng kanilang Pastor na humingi ng kapatawaran sa lahat ng mga taong nagawan niya ng mali.

Sinunod naman umano ng aktres ang ipinayo sa kanya ng kanilang Pastor upang gumaan ang kanyang kalooban at maging kapuri-puri siya sa paningin ng Panginoon.

Nakipag-ugnayan naman ang aktres sa kapwa niya aktres upang humingi ng tawad sa kanyang pagkakamali at itama ang lahat kahit ilang taon na umano ang nakakalipas nang pumatol siya sa boyfriend ng ibang aktres na itinutring pa siyang kaibigan.

Maganda naman ang intention ng aktres na palayain niya ang kanyang sarili muli sa pagkakamali niya sa nakaraan at sa guilt na kanyang nararamdaman. Subalit, hindi nag-ugat sa maganda ang kanyang pag-amin dahil siya pa ang napagbintangang dahilan ng paghihiwalay ng mga ito at ibinunton pa sa kanya ang lahat ng sisi sa kanya.

Labis umanong nakaapekto sa aktres ang natatanggap niyang pambabatikos mula sa mga taong wala namang alam sa buong kwento at sa totoong nangyari sa pagitan nila ng lalaki.

Lalo na at nagiging personal na ang pambabatikos sa kanya at naaapektuhan na ang kanyang sarili at ang kanyang buong pamilya. Nakakatanggap na rin kasi siya ng mga pagbabanta sa kanyang kaligtasan mula sa mga fans na labis ring nasaktan sa nangyari sa pagitan ng dalawang sikat na personalidad.

Sa ngayon ay hindi na lamang umano siya nagsalita dahil baka lalo pang dumagdag sa isyu at iniasa na lamang sa panginoon ang lahat.

Shocking! Kim Chiu Inilabas Na Ang Matinding Pasabog, Hindi Mapapatawad si Xian Lim

 Naglabas ng matinding pahayag ang aktres na si Kim Chiu kung saan inilahad niyang hindi niya mapapatawad agad-agad ang mga taong nanloko sa kanya dahil tao lamang siya na nagmamahal at nasasaktan. Kaya naman nahihirapan umano siyang makipagkaibigan muli sa mga taong nakarelasyon at nakahiwalay niya.

Sa nagdaang media conference ng Linlang the television version, naitanong kay Kim Chiu ang kanyang saloobin patungkol sa pakikipagkaibigan sa kanyang ex-partner.

Ayon kay Kim Chiu, tamang panahon lamang ang makakapagsabi kung dapat ba siyang makipagrelasyon sa kanyang ex-boyfriend. Bagama't ang naging sagot ni Kim Chiu ay batay lamang sa kanyang karakter sa kanilang seryeng Linlang kung saan  dumaan sa matinding pagsubok ang kanilang relasyon dahil sa isyu ng pagtataksil at pangloloko.

Marami pa rin ang naghinalang hugot na rin ito ng aktres na kamakailan lamang umamin sa naging hiwalayan nila ni Xian Lim. Marami pa rin kasi ang naghinala na may sangkot na third party sa naging hiwalayan ng dalawa, kaya naman marami ang nagsasabi na ang naging pahayag ni Kim Chiu sa nasabing media conference ay patungkol talaga kay Xian Lim.

Lalo na ng sinabi ng aktres na hindi kaagad niya mapapatawad ang mga taong nangloloko sa kanya dahil kailangan pa niya ng oras at acceptance. 

Subalit, naiiba naman umano ang sitwasyon sakaling magkaoon na ng anak ang mag-asawa dahil may iba nang tao na masasangkot at marami nang dapat pang i-consider.

Ang digital series na Linlang ay unang ipinalabas sa online video streaming application na PrimeVideos na pinangungunahan nina Kim Chiu, Paulo Avelino, JM De Guzman, Maricel Soriano at Kaila Estrada.

Hindi naman naging lingid sa kaalaman ng lahat na pinag-uusapan ang nasabing serye dahil sa kakaibang plot nito na nagpa-inis at nagpa-iyak sa maraming mga manonood.

Bagong Leading Lady, Kilalang Aktres Papasok Sa Batang Quiapo!

 Hanggang ngayon ay tila hindi pa rin matanggap ng ilang mga manonood na hindi na nila mapapanood kailanman ang karakter ni Lovi Poe sa teleseryeng Ang Batang Quiapo dahil tuluyan na siyang namaalam rito matapos ang isang taon.

Matatandaan na ginulat ni Lovi Poe ang publiko ng bigla na lamang siyang mamaalam sa kanyang karakter sa Ang Batang Quiapo, matapos ang isang taong pagiging leading lady ni Coco Martin.

Labis mang nalulungkot ang mga manonood sa naging desisyon ni Lovi Poe, naiintindihan naman siya ng marami dahil nais lamang niyang pagtuunan ng oras ang kanyang asawang si Monty Blencowe.

Bukod pa rito may nakalinyang projects umano ang aktres na gagawin ngayon taon kaya lalo siyang magiging abala sakaling hindi niya bitawan ang kanyang karakter sa Batang Quaipo.

Samantala, usap-usapan naman ngayon ang pagpasok ng bagong karakter sa teleserye na magiging panibagong leading lady ni Coco Martin. Ang gagampanan umano nitong role ay bilang panganay na anak ni Olga.

Marami naman ang naghinalang, magiging panibagong leading lady ito ni Coco Martin. Ayon pa sa ilan na marami ang magugulat sa pagpasok ng aktres sa palabas dahil hindi inaasahan ng marami ang kanyang pagsali rito.

Kung pagbabasehan ang mga kaganapan ngayon sa Ang Batang Quiapo, mahihinuhang may nakatakda ngang papasok na karakter sa Batang Quiapo dahil sa ipnakitang teaser kung saan may kausap si Olga sa kanyang cellphone na magbabalik na sa bansa.

Tanong ngayon ng marami, ito na ba ang papalit kay Lovi Poe? o isa na naman itong karakter na magpapahirap kay Tanggol.

Karla Estrada Nakita Sina Daniel Padilla at Kaye Abad Na Nag-Check in?

 Kumakalat ngayon sa social media ang mga balita patungkol sa mga babaeng nadadawit sa hiwalayan nina Daniel Padilla at Kathryn Bernardo kabilang na rito ang aktres na si Kaye Abad.

Ayon sa mga kumakalat na bali-balita mula sa ilang mga entertainment news sites at ilang mga social media platforms, mismong ang ina ni Daniel Padilla na si Karla Estrada ang nakakita sa kina DJ at Kaye Abad na lumabas mula sa isang hotel room.

Marami sa mga netizens ang tumuturo kay Kaye Abad bilang ang KA sa mga naglabasang blind item patungkol sa naging babae ng aktor na si Daniel Padilla at kasamang nag-check in sa isang hotel.

Sinabi rin sa nasabing blind item na mismong si Karla Estrada, ina ni Daniel Padilla, ang nakakita sa dalawa na palabas na sa nasabing five star hotel dahil sinundan nito ang anak sa nasabing lugar.

Matatandaan na na-umpisang maglabasan ang mga babaeng nakarelasyon umano ni Daniel Padilla habang sila ni Kathryn Bernardo nang i-unfollow ng aktres ang aktor kamakailan lamang kasama ang mga aktres na sina Liza Soberano, Gillian Vicencio at Julia Barretto.

Bago pa man ang isyung ito nauna na nang nailink sa pangalan ng aktor ang mga aktres na sina Andrea Brillantes at Gillian Vicencio, subalit hindi lubos akalain ng marami pang pangalan ang maiuugnay sa aktor sa isyung pagloloko niya sa kanyang dating long time girlfriend.

Kabilang sa mga babaeng nadagdag sa listahan ay sina Jasmine Smith, asawa ngayon ni Patrick Sugui na si Aeriel Garcia, Kaye Abad, Vietnamese model na Minh Phoung at marami pang iba.

Sa gitna ng mga usaping ito, naglabas ng mga pahayag ang ilang mga nasasangkot na kababaihan kung saan pinabulaanan nila ang mga isyu, subalit may ilan namang nanahimik na lang dahil ayaw na nilang lalo pa itong lumaki.

Maging ang aktor na si Daniel Padilla ay nanatiling tikom ang bibig sa nasabing isyu, at tila umalis pa sa bansa para makapagbakasyon at patahimikin na muna ang isyu patungkol sa kanya.

Hindi rin naman naglalabas ng pahayag ang celebrity mom na si Karla Estrada patungkol sa isyung nakita niya mismo ang pagloloko ng kanyang anak at nagpasya pang kunsintihin ito at itago ang lahat kay Kathryn Bernardo.